കോറോ ഹെൽത്ത് കൂട്ട പിരിച്ചുവിടൽ: 7 മാസത്തെ നഷ്ടപരിഹാരം നൽകാൻ ഒത്തുതീർപ്പ് ചർച്ചയിൽ തീരുമാനം

Coro Health Mass Layoffs: Settlement Talks Conclude with Agreement on 7-Month Severance Pay

Jul 20, 2026 - 16:21

കോറോ ഹെൽത്ത് കൂട്ട പിരിച്ചുവിടൽ: 7 മാസത്തെ നഷ്ടപരിഹാരം നൽകാൻ ഒത്തുതീർപ്പ് ചർച്ചയിൽ തീരുമാനം

പ്രതീകാത്മക ചിത്രം

തിരുവനന്തപുരം: കൊച്ചിയിലെ കോറോ ഹെൽത്ത് കമ്പനിയിലെ കൂട്ടപ്പിരിച്ചുവിടലുമായി ബന്ധപ്പെട്ട് തൊഴിൽമന്ത്രിയുടെ നേതൃത്വത്തിൽ നടന്ന ചർച്ച വിജയകരം. ജീവനക്കാർക്ക് അഞ്ചുമാസത്തെ ശമ്പളം നൽകാൻ കമ്പനി അധികൃതരുമായി നടത്തിയ ചർച്ചയിൽ തീരുമാനമായി. നേരത്തെ നൽകിയ രണ്ടുമാസത്തെ ശമ്പളത്തിന് പുറമെയാണിത്. തുക ഈമാസം 26-നകം ജീവനക്കാർക്ക് കൈമാറുമെന്ന് തൊഴിൽ വകുപ്പ് മന്ത്രി ബിന്ദു കൃഷ്ണ അറിയിച്ചു.

പിരിച്ചുവിട്ട ജീവനക്കാരുടെ ആവശ്യങ്ങളും പരിഗണിച്ചാണ് തീരുമാനമെടുത്തിരിക്കുന്നതെന്ന് മന്ത്രി അറിയിച്ചു. ഇതുസംബന്ധിച്ച ഔദ്യോഗിക കരാർ കമ്പനിയുമായി ഒപ്പുവെച്ചിട്ടുണ്ട്. ഇവർക്ക് ഭാവിയിൽ തൊഴിൽ ലഭിക്കുന്നതിന് തടസമുണ്ടാകാതിരിക്കാൻ എക്സ്പീരിയൻസ് സർട്ടിഫിക്കറ്റും അനുബന്ധ രേഖകളും നൽകാൻ കമ്പനി സമ്മതിച്ചതായി മന്ത്രി അറിയിച്ചു.