കൊക്കക്കോള–പെപ്സി ആധിപത്യത്തിന് വെല്ലുവിളിയായി ‘കോക്കനട്ട് കോള.’
തേങ്ങാവെള്ളവും കോള ഫ്ളേവറും ചേർത്ത് പുതിയ പരീക്ഷണം; കുറഞ്ഞ കാലറിയുള്ള ആരോഗ്യ സൗഹൃദ പാനീയവുമായി ഐടിസി #ITC #CoconutCola #SoftDrinks #India #BusinessNews
Desk Mediagraamam 
ഇന്ത്യയിലെ ശീതളപാനീയ വിപണിയിൽ പതിറ്റാണ്ടുകളായി തുടരുന്ന കൊക്കക്കോള–പെപ്സി ആധിപത്യത്തിന് പുതിയ വെല്ലുവിളിയുമായി ഐടിസി രംഗത്ത്. നിലവിൽ രാജ്യത്തെ ശീതളപാനീയ വിപണിയുടെ ഏകദേശം 90 ശതമാനവും രണ്ട് അമേരിക്കൻ ഭീമന്മാരായ "Coca-Cola" "PepsiCo" എന്നിവയുടെ നിയന്ത്രണത്തിലാണ്. അതേസമയം, "റിലൈൻസ് ഇൻഡസ്ട്രിസ് " അവതരിപ്പിച്ച മൂന്നാം സ്ഥാനത്തുണ്ടെങ്കിലും വിപണിയിൽ കാര്യമായ സ്വാധീനം ഇതുവരെ സൃഷ്ടിക്കാൻ കഴിഞ്ഞിട്ടില്ല.
ഇതിനിടെയാണ് പുതിയ ആശയവുമായി "ITC" രംഗപ്രവേശം ചെയ്യുന്നത്. പരമ്പരാഗത കോള ബ്രാൻഡുകളുമായി നേരിട്ട് ഏറ്റുമുട്ടുന്നതിന് പകരം വ്യത്യസ്തമായൊരു പാനീയ വിഭാഗം തന്നെ സൃഷ്ടിക്കാനാണ് കമ്പനിയുടെ ശ്രമം. 'ബി നാച്ചുറൽ കോക്കനട്ട് കോള' എന്ന പേരിൽ അവതരിപ്പിക്കുന്ന പുതിയ ഉൽപ്പന്നം തേങ്ങാവെള്ളവും കോള ഫ്ളേവറും സംയോജിപ്പിച്ചാണ് രൂപകൽപ്പന ചെയ്തിരിക്കുന്നത്.
സാധാരണ കോള പാനീയങ്ങളിൽ കാണുന്ന വാതകവും നുരയും ഇല്ലാത്ത ഈ ഉൽപ്പന്നം അധിക മധുരം ചേർക്കാത്തതും കുറഞ്ഞ കാലറിയുള്ളതുമായ ആരോഗ്യ സൗഹൃദ പാനീയമെന്ന നിലയിലാണ് വിപണിയിലെത്തിക്കുന്നത്. ആരോഗ്യകരമായ പാനീയങ്ങളിലേക്ക് ഉപഭോക്താക്കൾ കൂടുതൽ തിരിയുന്ന സാഹചര്യത്തിൽ ഐടിസിയുടെ പുതിയ നീക്കം ശീതളപാനീയ മേഖലയിലെ മത്സരത്തിന് പുതിയ വഴിത്തിരിവാകുമോയെന്നതാണ് ഇനി ശ്രദ്ധേയമാകുന്നത്.
