ഉപയോക്താക്കൾക്ക് സന്തോഷവാർത്ത; ഒരു റീച്ചാർജിൽ 412 ദിവസത്തെ പ്ലാനുമായി BSNL

ന്യൂഡൽഹി: ഉപയോക്താക്കൾക്കായി പ്രത്യേക പ്രീപെയ്ഡ് ഓഫറുമായി ബിഎസ്എൻഎൽ. ₹2,399-ന്റെ വാർഷിക പ്ലാൻ റീച്ചാർജ് ചെയ്യുന്നവർക്ക് 47 ദിവസം അധിക വാലിഡിറ്റി ലഭിക്കും. ഇതോടെ സാധാരണ 365 ദിവസമായിരുന്ന വാലിഡിറ്റി 412 ദിവസമായി ഉയരും.

₹2,399 പ്ലാനിൽ അൺലിമിറ്റഡ് കോളിങ്, പ്രതിദിനം 100 SMS, പ്രതിദിനം 2GB ഡാറ്റ എന്നിവയാണ് ലഭിക്കുന്നത്. പുതിയ ഓഫറിലൂടെ അധിക നിരക്ക് നൽകാതെ തന്നെ 47 ദിവസം കൂടി സേവനം ഉപയോഗിക്കാനാകും.

എന്നാൽ ഈ ആനുകൂല്യം പരിമിതകാലത്തേക്ക് മാത്രമാണ്. ഓഗസ്റ്റ് 12 മുതൽ സെപ്റ്റംബർ 12 വരെ ₹2,399 പ്ലാൻ റീച്ചാർജ് ചെയ്യുന്നവർക്കാണ് ഓഫർ ലഭിക്കുക. സ്വാതന്ത്ര്യദിനത്തോടനുബന്ധിച്ചാണ് ബിഎസ്എൻഎൽ പ്രത്യേക ഓഫർ പ്രഖ്യാപിച്ചത്.

ബിഎസ്എൻഎൽ വെബ്സൈറ്റ് വഴിയും BSNL Selfcare ആപ്പ് വഴിയും പ്ലാൻ റീച്ചാർജ് ചെയ്യാം. സാധാരണയായി ദീർഘകാല വാലിഡിറ്റി ആവശ്യമുള്ള ഉപയോക്താക്കൾക്ക് ഓഫർ ഏറെ പ്രയോജനകരമായേക്കും.