രാഹുൽ ഗാന്ധിയുടെ അറസ്റ്റിൽ പ്രതിഷേധം ശക്തം; കേന്ദ്ര സർക്കാരിനെതിരെ വി.ഡി. സതീശൻ
ഡൽഹിയിൽ രാഹുൽ ഗാന്ധിയെയും മറ്റ് പ്രതിപക്ഷ എംപിമാരെയും പൊലീസ് അറസ്റ്റ് ചെയ്ത സംഭവത്തിൽ പ്രതിഷേധവുമായി വി.ഡി. സതീശൻ. പൊലീസ് നടപടി നരനായാട്ടിന് തുല്യമാണെന്നും സമരം തുടരുമെന്നും അദ്ദേഹം വ്യക്തമാക്കി.
Desk Mediagraamam 
തിരുവനന്തപുരം: ഡൽഹിയിൽ ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കും മറ്റ് എംപിമാർക്കും എതിരെ പൊലീസ് സ്വീകരിച്ച നടപടി നരനായാട്ടിന് തുല്യമാണെന്ന് മുഖ്യമന്ത്രി വി.ഡി. സതീശൻ ആരോപിച്ചു. വളരെ മോശമായ രീതിയിലാണ് പൊലീസ് അവരോട് പെരുമാറിയതെന്നും ബലപ്രയോഗത്തിലൂടെയാണ് രാഹുൽ ഗാന്ധിയെയും മറ്റ് എംപിമാരെയും അറസ്റ്റ് ചെയ്ത് നീക്കിയതെന്നും അദ്ദേഹം പറഞ്ഞു.
വിദ്യാർത്ഥികളോടും പൊലീസും കേന്ദ്ര സർക്കാരും ക്രൂരമായ സമീപനമാണ് സ്വീകരിച്ചതെന്നും അതിന്റെ തുടർച്ചയാണ് ഇന്നലെ ഡൽഹിയിൽ കണ്ടതെന്നും വി.ഡി. സതീശൻ ചൂണ്ടിക്കാട്ടി. ഈ നടപടി വെച്ചുപൊറുപ്പിക്കാനാകില്ലെന്നും ഇതിനെതിരെ ശക്തമായ പ്രതിഷേധം തുടരുമെന്നും അദ്ദേഹം വ്യക്തമാക്കി.
