വൈറസ് പിന്മാറുമ്പോൾ വയലൻസ് കൂടുന്നു :അബ്ദുൾ സമദ് സമദാനി എം പി
മഹാമാരിയുടെ വൈറസ് പിന്മാറ്റം നടത്തുമ്പോൾ മറുഭാഗത്ത് വയലൻസ് വീണ്ടും കടന്നുവരികയാണെന്ന് ഡോ.എം.പി അബ്ദുൾ സമദ് സമദാനി .മഹാമാരി മാറിയത് സയൻസ് കൊണ്ട് മാത്രമല്ല മനുഷ്യന്റെ കാരുണ്യം കൊണ്ട് കൂടിയാണെന്നും അദ്ദേഹം പറഞ്ഞു.
കേരള മദ്യ നിരോധന സമിതി യുടെ 44 -ാം സംസ്ഥാന സമ്മേളനം കോഴിക്കോട് ചെറൂട്ടി റോഡ് ഗാന്ധി ഗൃഹത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.മദ്യം ,റവന്യൂ വരുമാനം കൂട്ടുമെന്ന് പറയുന്നവർ മദ്യം വരുത്തുന്നതിന്റെ നഷ്ടത്തിന്റെ കണക്കെടുക്കാൻ ഒരു കമ്മീഷനെ വെയ്ക്കാൻ തയ്യാറാകണം.
മദ്യ വ്യാപനം വ്യാപിപ്പിക്കുന്ന സർക്കാറിന്റെ നയങ്ങൾ തിരുത്തണം.മദ്യ നിരോധനത്തിലൂടെ മാത്രമേ വെടിപ്പുള്ള സമൂഹം ഉണ്ടാകൂ. ഇതിന് ഗാന്ധി ബോധം അനിവാര്യമാണെന്നും അവിടെയാണ് മദ്യ നിരോധന സമിതിയുടെ പ്രസക്തിയെന്നും സമദാനി ഓർമ്മപ്പെടുത്തി
