കേരളത്തിൽ കാലവർഷം കടുക്കുന്നു: അഞ്ച് ദിവസം ഇടിമിന്നലോടു കൂടിയ അതിശക്തമായ മഴയ്ക്കും കാറ്റിനും സാധ്യത; വിവിധ ജില്ലകളിൽ ഓറഞ്ച്, യെല്ലോ അലർട്ടുകൾ
Kerala Monsoon, Heavy Rain Alert, Orange Alert Kerala, Yellow Alert, Cyclonic Circulation, Bay of Bengal Low Pressure, Kerala Weather Update, Lightning Warning Kerala.
Desk Mediagraamam 
തിരുവനന്തപുരം: കേരളത്തിൽ വരും ദിവസങ്ങളിൽ കാലവർഷം കൂടുതൽ ശക്തമാകുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇന്ന് (ജൂലൈ 1) മുതൽ ജൂലൈ 5 വരെ സംസ്ഥാനത്തിന്റെ വിവിധ ഭാഗങ്ങളിൽ ഇടിമിന്നലോടു കൂടിയ അതിശക്തമായ മഴയ്ക്കും മണിക്കൂറിൽ 40 മുതൽ 50 കിലോമീറ്റർ വരെ (ചില സന്ദർഭങ്ങളിൽ 60 കി.മീ വരെ) വേഗതയുള്ള ശക്തമായ കാറ്റിനും സാധ്യതയുണ്ട്.
ബംഗാൾ ഉൾക്കടലിൽ ചക്രവാതച്ചുഴി നിലനിൽക്കുന്നതിനാലും, ജൂലൈ 3-ഓടെ വടക്കുപടിഞ്ഞാറൻ ബംഗാൾ ഉൾക്കടലിൽ പുതിയ ന്യൂനമർദം രൂപപ്പെടാൻ സാധ്യതയുള്ളതിനാലുമാണ് മഴ കടുക്കുന്നത്. കടൽ പ്രക്ഷുബ്ധമാകാൻ സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകുന്നതിന് കർശന വിലക്കേർപ്പെടുത്തിയിട്ടുണ്ട്.
അലർട്ടുകൾ പ്രഖ്യാപിച്ച ജില്ലകൾ:
-
ഓറഞ്ച് അലർട്ട് (ഇന്ന് - ജൂലൈ 1): കണ്ണൂർ, കാസർകോട്. (24 മണിക്കൂറിൽ 115.6 mm മുതൽ 204.4 mm വരെ അതിശക്തമായ മഴയ്ക്ക് സാധ്യത).
-
യെല്ലോ അലർട്ട് (ഇന്ന് - ജൂലൈ 1): ആലപ്പുഴ, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്.
വരും ദിവസങ്ങളിലെ യെല്ലോ അലർട്ട് പ്രവചനം:
-
ജൂലൈ 2 (നാളെ): കോഴിക്കോട്, കണ്ണൂർ, കാസറഗോഡ്.
-
ജൂലൈ 3: ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസറഗോഡ്.
-
ജൂലൈ 4: പത്തനംതിട്ട, കോട്ടയം, ഇടുക്കി, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസറഗോഡ്.
ശ്രദ്ധിക്കുക: ഇടിമിന്നൽ സമയങ്ങളിൽ പൊതുജനങ്ങൾ ജാഗ്രത പാലിക്കണമെന്നും ശക്തമായ കാറ്റിൽ മരങ്ങൾ വീഴാൻ സാധ്യതയുള്ളതിനാൽ മുൻകരുതലുകൾ എടുക്കണമെന്നും ദുരന്തനിവാരണ അതോറിറ്റി അറിയിച്ചു.
