ലോഫ്‌ളോറുകള്‍ പൊളിക്കില്ല; പിള്ളേര്‍ക്ക് പഠിക്കാന്‍ ക്ലാസ് മുറികളാക്കും!!
കെഎസ്ആര്‍ടിസി ബസുകള്‍ ക്ലാസ് മുറികളാക്കി മാറ്റുമെന്ന് ഗതാഗത വകുപ്പ് മന്ത്രി ആന്റണി രാജു. ഉപയോഗ ശൂന്യമായതിനെ തുടര്‍ന്ന് പൊളിച്ച് നീക്കുവാനായി മാറ്റിയിട്ടിരിക്കുന്ന ബസുകളാണ് ക്ലാസ് മുറികളാക്കി രൂപമാറ്റം വരുത്തുവാനൊരുങ്ങുന്നത്. എറണാകുളം തേവര ഡിപ്പോയിലാണ് ലോ ഫ്ളോര്‍ ബസുകള്‍ രണ്ട് വര്‍ഷത്തിലേറെയായി കട്ടപ്പുറത്താണ്. ഈ ബസുകള്‍ പൊളിക്കുവാന്‍ തീരുമാനിക്കുകയായിരുന്നു. ഇതിനുള്ള നടപടി ക്രമങ്ങള്‍ പുരോഗമിക്കുന്നതിനിടെയാണ് ചില ബസുകള്‍ ക്ലാസ് മുറികളാക്കി പരിണാമം വരുത്തി ഉപയോഗിക്കാന്‍ തീരുമാനിച്ചത്. കോടികള്‍ മുടക്കി വാങ്ങിക്കൂട്ടിയ ബസുകള്‍ ഓടിക്കാനാകാതെ വള്ളിയും പടര്‍പ്പും കയറി തേവര കെയുആര്‍ടിസി ഡിപ്പോയില്‍ മരണവും കാത്ത് കിടക്കുകയാണ്.
