കൊമ്പില് കുരുങ്ങി മോഹന്ലാല്; കോടതി പിടിമുറുക്കി
കൊച്ചി: മോഹന്ലാലിനെതിരായ ആനക്കൊമ്പ് കേസ് പിന്വലിക്കാന് സര്ക്കാര് സമര്പ്പിച്ച ഹര്ജി പെരുമ്പാവൂര് ജുഡീഷ്യല് ഒന്നാംക്ലാസ് മജിസ്ട്രേറ്റ് കോടതി തള്ളി. കേസുമായി മുന്നോട്ട് പോകാമെന്നും മോഹന്ലാന് തുടര്നടപടികള് നേരിടണമെന്നും കോടതി അറിയിച്ചു. 2012 ലാണ് കേസിന് ആസ്പദമായ സംഭവം. ആദായനികുതി വകുപ്പ് കൊച്ചിയില് മോഹന്ലാലിന്റെ വീട്ടില് നടത്തിയ പരിശോധനയില് ആനക്കൊമ്പുകള് പിടിച്ചെടുത്തിരുന്നു. തുടര്ന്ന് വനംവകുപ്പ് കൈമാറി കേസെടുത്തു. ആനക്കൊമ്പുകള് പണം കൊടുത്ത് വാങ്ങിയതെന്നായിരുന്നു മോഹന്ലാലിന്റെ വാദം. ഇത് അംഗീകരിച്ച് നിയമം പരിഷ്കരിച്ച് മോഹന്ലാലിന് ആനക്കൊമ്പുകള് കൈവശം വയ്ക്കാന് യുഡിഎഫ് സര്ക്കാര് അനുമതി നല്കി. തുടര്ന്ന് വന്ന എല്ഡിഎഫ് സര്ക്കാരും കേസ് പിന്വലിക്കുന്നതില് എതിര്പ്പില്ലെന്ന് കാണിച്ച് സമര്പ്പിച്ച ഹര്ജിയാണ് കോടതി തള്ളിയത്.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)