പി സി ജോര്ജ്ജിന്റെ മുന്കൂര് ജാമ്യപേക്ഷ തള്ളി
കൊച്ചി: പി സി ജോര്ജ്ജിന്റെ മുന്കൂര് ജാമ്യപേക്ഷ എറണാകുളം സെഷന്സ് കോടതി തള്ളി. വെണ്ണലയില് നടത്തിയ വിദ്വേഷ പ്രസംഗത്തിലാണ് കോടതി നടപടി. ഈ പ്രസംഗത്തിന്റെ പേരില് പാലാരിവട്ടം പൊലീസാണ് പി സി ജോര്ജിനെതിരെ കേസെടുത്തത്. മുന്കൂര് ജാമ്യപേക്ഷ തള്ളിയ സാഹചര്യത്തില് ഏത് നിമിഷവും അറസ്റ്റുണ്ടാകും. പി സി ജോര്ജ്ജിന് ജാമ്യം നല്കുവാന് പാടില്ലെന്ന് പ്രോസിക്യൂഷന് കോടതിയില് കഴിഞ്ഞ ദിവസം ആവര്ത്തിച്ചിരുന്നു.
