ഇറച്ചിവെട്ടുയന്ത്രത്തിൽ സ്വർണക്കടത്ത് കേസിൽ അറസ്റ്റിലായ ഷാബിൻ ഡി വൈ എഫ് ഐ നേതാവ്: വി ഡി സതീശൻ
ഷാബിന്റെ പിതാവിന് പങ്കുണ്ടെന്ന് കസ്റ്റംസ് പറഞ്ഞിട്ടില്ല
തൃക്കാക്കര സ്വർണ്ണക്കടത്ത് കേസിൽ അറസ്റ്റിലായ ഷാബിൻ ഡി വൈ എഫ് ഐ നേതാവെന്ന് പ്രതിപക്ഷ നേതാവ് വി ഡി സതീശൻ. അവിടുത്തെ സി പി എം ലോക്കൽ കമ്മിറ്റി നേതാക്കന്മാരുമായി ഒരുമിച്ചാണ് ഷാബിൻ പ്രവർത്തിക്കുന്നത്. ലീഗ് നേതാവ് എഎ ഇബ്രാഹിം കുട്ടിയ്ക്ക് കേസിൽ എന്തെങ്കിലും പങ്കുണ്ടെന്നോ അദ്ദേഹം കുറ്റവാളിയാണെന്നോ കേസ് അന്വേഷിക്കുന്ന കസ്റ്റംസ് പറഞ്ഞിട്ടില്ലെന്നും വിഡി സതീശൻ പറഞ്ഞു.
മക്കൾ ചെയ്ത കുറ്റത്തിന് പിതാവ് ജയിലിൽ പോകണമെങ്കിൽ ഇവിടെ ആരാകും ആദ്യം ജയിലിൽ പോകേണ്ടതെന്ന് പ്രത്യേകം പറയേണ്ടതില്ലല്ലോയെന്നും വിഡി സതീശൻ മാധ്യമങ്ങളോട് പറഞ്ഞു. ഇറച്ചി വെട്ടുന്ന യന്ത്രത്തിനുള്ളിൽ ഒളിപ്പിച്ച് സ്വർണം കടത്തിയ കേസിൽ തൃക്കാക്കര നഗരസഭ വൈസ് ചെയർമാനും മുസ്ലീം ലീഗ് നേതാവുമായ എഎ ഇബ്രാഹിം കുട്ടിയുടെ മകൻ ഷാബിനായിരുന്നു അറസ്റ്റിലായത്. രണ്ട് കിലോയോളം സ്വർണം കടത്തിയ കേസിലായിരുന്നു അറസ്റ്റ്.
