സന്തോഷ് ട്രോഫി: ബംഗാൾ ഫൈനലിൽ
തിങ്കളാഴ്ച ഫൈനലിൽ കേരളം ബംഗാളിനെ നേരിടും
സന്തോഷ് ട്രോഫി ഫുട്ബോള് ചാംപ്യന്ഷിപ്പിന്റെ രണ്ടാം സെമിയില് മണിപ്പുരിനെ പരാജയപ്പെടുത്തി ബംഗാള് ഫൈനലിലെത്തി. ഇതോടെ തിങ്കളാഴ്ച നടക്കുന്ന ഫൈനൽ മത്സരത്തിൽ കേരളം ബംഗാളിനോട് ഏറ്റുമുട്ടും. എതിരില്ലാത്ത മൂന്ന് ഗോളുകൾക്കാണ് ബംഗാളിന്റെ ജയം. 32 തവണ ബംഗാൾ ചാംപ്യന്മാരായിരുന്നു. മേയ് 2 ന് രാത്രി 8 മണിക്ക് മഞ്ചേരി പയ്യനാട് സ്റ്റേഡിയത്തിൽ ആണ് ഫൈനൽ മത്സരം. സന്തോഷ് ട്രോഫി മത്സരത്തിൽ ഇതിനുമുമ്പും കേരളവും ബംഗാളും ഏറ്റുമുട്ടിയിരുന്നു. അവസാന മത്സരത്തിൽ കേരളത്തിനായിരുന്നു വിജയം.