ജോലി വാഗ്ദാനം ചെയ്ത് വിളിച്ചുവരുത്തി യുവതിയെ പീഡിപ്പിച്ചു; കളമശ്ശേരിയിൽ രണ്ട് പേർ അറസ്റ്റിൽ
ജോലി അഭിമുഖമെന്ന പേരിൽ യുവതിയെ വിളിച്ചുവരുത്തി ലഹരി നൽകി പീഡിപ്പിച്ചെന്ന് പരാതി; സ്‌പായുടെ മറവിൽ പെൺവാണിഭം നടത്തുന്ന സംഘവുമായി ബന്ധമുള്ളവരെന്ന് പൊലീസ്.
കൊച്ചി: എറണാകുളം കളമശ്ശേരിയിൽ ജോലി വാഗ്ദാനം ചെയ്ത് അഭിമുഖത്തിനെന്ന വ്യാജേന വിളിച്ചുവരുത്തിയ യുവതിയെ ലഹരി നൽകി കൂട്ടബലാത്സംഗം ചെയ്ത കേസിൽ രണ്ട് പേർ അറസ്റ്റിൽ. ഇരിക്കാവ് സ്വദേശി ശ്രീരാജ്, തേവക്കൽ സ്വദേശി ജിത്ത് മാർട്ടിൻ എന്നിവരെയാണ് പൊലീസ് അറസ്റ്റ് ചെയ്തത്.
ജോലി ലഭിക്കുമെന്ന പ്രതീക്ഷയിൽ എത്തിയ യുവതിക്ക് പ്രതികൾ ലഹരി നൽകിയ ശേഷമാണ് പീഡിപ്പിച്ചതെന്നാണ് പൊലീസ് കണ്ടെത്തൽ. വിവാഹിതയായ യുവതിയാണ് സംഭവത്തിൽ ഇരയായത്.
അറസ്റ്റിലായവർ സ്‌പായുടെ മറവിൽ പെൺവാണിഭം നടത്തുന്ന സംഘവുമായി ബന്ധമുള്ളവരാണെന്നും അന്വേഷണത്തിൽ വ്യക്തമായതായി പൊലീസ് അറിയിച്ചു. സംഭവത്തിന് പിന്നിൽ പ്രവർത്തിച്ചവരെയും സംഘത്തിലെ മറ്റ് അംഗങ്ങളെയും കണ്ടെത്തുന്നതിനായി അന്വേഷണം തുടരുകയാണ്.
പ്രതികൾ സമാന രീതിയിൽ മറ്റാരെയെങ്കിലും ചൂഷണം ചെയ്തിട്ടുണ്ടോയെന്നും പൊലീസ് പരിശോധിക്കുന്നുണ്ട്. കേസുമായി ബന്ധപ്പെട്ട തെളിവുകളും മൊഴികളും ശേഖരിച്ചുവരികയാണ്.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)