സ്വർണവിലയിൽ വീണ്ടും ഇടിവ്; പവന് 360 രൂപ കുറഞ്ഞു.
ഗ്രാമിന് 45 രൂപയും പവന് 360 രൂപയും കുറഞ്ഞു; പവൻ വില 1,05,840 രൂപയായി.
Desk Mediagraamam 
കണ്ണൂർ: സംസ്ഥാനത്ത് സ്വർണവിലയിൽ വീണ്ടും നേരിയ ഇടിവ് രേഖപ്പെടുത്തി. കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷൻ ഇന്ന് രാവിലെ പുറത്തുവിട്ട കണക്കുകൾ പ്രകാരം ഒരു ഗ്രാം സ്വർണത്തിന് 45 രൂപയും ഒരു പവൻ (8 ഗ്രാം) സ്വർണത്തിന് 360 രൂപയും കുറഞ്ഞു.
പുതിയ നിരക്കനുസരിച്ച് ഒരു ഗ്രാം സ്വർണത്തിന്റെ വില 13,230 രൂപയും ഒരു പവൻ സ്വർണത്തിന്റെ വില 1,05,840 രൂപയുമായി.
ഇന്നലെയും സ്വർണവിലയിൽ കുറവ് രേഖപ്പെടുത്തിയിരുന്നു. അന്ന് ഗ്രാമിന് 35 രൂപ കുറഞ്ഞതോടെ വില 13,275 രൂപയിലും പവൻ വില 1,06,200 രൂപയിലുമായിരുന്നു. തുടർച്ചയായ രണ്ട് ദിവസത്തെ ഇടിവ് ആഭരണം വാങ്ങാൻ പദ്ധതിയിടുന്നവർക്ക് ആശ്വാസമാകുമെന്നാണ് വിപണി വിലയിരുത്തൽ.
