യാത്രാമധ്യേ സ്ത്രീകൾക്ക് സാനിറ്ററി നാപ്കിൻ; ‘WOMN’ പദ്ധതിക്ക് തുടക്കം
യാത്രയ്ക്കിടെ അടിയന്തരമായി സാനിറ്ററി നാപ്കിനുകൾ ലഭ്യമാക്കും; ഉപയോഗിച്ചവ പരിസ്ഥിതി സൗഹൃദമായി സംസ്കരിക്കാൻ സംവിധാനവും ഒരുക്കും. ആദ്യഘട്ടത്തിൽ 14 കെഎസ്ആർടിസി ബസ് ടെർമിനലുകളിൽ പദ്ധതി നടപ്പാക്കും.
തിരുവനന്തപുരം: യാത്രയ്ക്കിടെ സ്ത്രീകൾക്ക് അടിയന്തരമായി സാനിറ്ററി നാപ്കിനുകൾ ലഭ്യമാക്കുകയും ഉപയോഗശേഷം പരിസ്ഥിതി സൗഹൃദമായി സംസ്കരിക്കുന്നതിനുള്ള സൗകര്യം ഒരുക്കുകയും ചെയ്യുന്ന ‘WOMN – Women On the Move & Menstrual Needs’ പദ്ധതിക്ക് തുടക്കമാകുന്നു.
വനിതാ-ശിശു വികസന വകുപ്പിന്റെ നേതൃത്വത്തിലാണ് പദ്ധതി നടപ്പാക്കുന്നത്. യുഡിഎഫ് സർക്കാരിന്റെ 100 ദിന കർമ്മപരിപാടിയുടെ ഭാഗമായാണ് പദ്ധതിക്ക് തുടക്കമിടുന്നത്.
ആദ്യഘട്ടത്തിൽ കെഎസ്ആർടിസിയുടെ 14 ബസ് ടെർമിനലുകളിലാണ് ‘WOMN’ പദ്ധതി നടപ്പാക്കുക. യാത്രയ്ക്കിടെ അടിയന്തരമായി സാനിറ്ററി നാപ്കിൻ ആവശ്യമായി വരുന്ന സ്ത്രീകൾക്ക് ഇതിലൂടെ ആവശ്യമായ സൗകര്യം ലഭ്യമാകും.
ഉപയോഗിച്ച നാപ്കിനുകൾ ശാസ്ത്രീയവും പരിസ്ഥിതി സൗഹൃദവുമായ രീതിയിൽ സംസ്കരിക്കുന്നതിനുള്ള സംവിധാനവും പദ്ധതിയുടെ ഭാഗമായി ഒരുക്കും.
ആദ്യഘട്ടം വിജയകരമായി നടപ്പാക്കിയതിന് ശേഷം പദ്ധതി വിനോദസഞ്ചാര കേന്ദ്രങ്ങളിലേക്കും വ്യാപിപ്പിക്കാനാണ് തീരുമാനം. സ്ത്രീകളുടെ യാത്രാസൗകര്യവും മാസിക ശുചിത്വവും ഉറപ്പാക്കുന്നതിൽ പദ്ധതിക്ക് പ്രാധാന്യമുണ്ട്.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)