കോമണ്വെല്ത്ത് ഗെയിംസ് 2022: ബാഡ്മിന്റണിലെ വനിതാ സിംഗിൾസില് പി വി സിന്ധുവിന് സ്വര്ണം
കോമണ്വെല്ത്ത് ഗെയിംസ് 2022 ബാഡ്മിന്റണിലെ വനിതാ സിംഗിൾസില് ഇന്ത്യയുടെ പി വി സിന്ധുവിന് സ്വര്ണം. ഫൈനലില് കാനഡയുടെ മിഷേൽ ലിയെ നേരിട്ടുള്ള ഗെയിമുകള്ക്ക് തോല്പിച്ചാണ് സിന്ധു സ്വര്ണം ചൂടിയത്. സ്കോര്: 21-15, 21-13. മിഷേല് ലീയ്ക്ക് ഒരവസരം പോലും കൊടുക്കാതെ ജയഭേരി മുഴക്കുകയായിരുന്നു പി വി സിന്ധു. കോമണ്വെല്ത്ത് ഗെയിംസ് സിംഗിള്സില് സിന്ധുവിന്റെ കന്നി സ്വര്ണമാണിത്.
ഈ കോമണ്വെല്ത്തില് ബാഡ്മിന്റണില് ഇന്ത്യയുടെ ആദ്യ സ്വര്ണം കൂടിയാണിത്. ഈ ഗെയിംസില് ഇന്ത്യയുടെ 56-ാം മെഡലാണ് സിന്ധുവിലൂടെ അക്കൗണ്ടിലെത്തിയത്. 19 സ്വര്ണവും 15 വെള്ളിയും 22 വെങ്കലവുമായി നാലാം സ്ഥാനത്താണ് നിലവില് ഇന്ത്യ. കൂടുതല് മെഡല് പ്രതീക്ഷ ഇന്ന് ഇന്ത്യക്കുണ്ട്. 66 സ്വര്ണവും 55 വെള്ളിയും 53 വെങ്കലവുമായി ഓസ്ട്രേലിയ ഒന്നാം സ്ഥാനത്തും 55 സ്വര്ണവും 59 വെള്ളിയും 52 വെങ്കലവുമായി ഇംഗ്ലണ്ട് രണ്ടാമതും നില്ക്കുന്നു.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)