വെസ്റ്റ് ഇന്‍ഡീസിനെതിരെ ഇന്ത്യ ഇന്നിറങ്ങും; ലക്ഷ്യം റെക്കോര്‍ഡ്
സെന്റ് കിറ്റ്സ്: വെസ്റ്റ് ഇന്‍ഡീസിനെതിരെ വിജയത്തോടെയാണ് ഇന്ത്യ ടി20 പരമ്പര ആരംഭിച്ചത്. അഞ്ച് മത്സരങ്ങളുടെ പരമ്പരയിലെ ആദ്യ മത്സരത്തില്‍ 68 റണ്‍സിനായിരുന്നു ഇന്ത്യയുടെ ജയം. ഇന്നാണ് രണ്ടാം ടി20. മത്സരത്തിനിറങ്ങുമുമ്പ് ഒരു റെക്കോര്‍ഡിനരികെയാണ് ടീം ഇന്ത്യ. ഇന്ന് ജയിച്ചാല്‍ മറികടക്കുക പാകിസ്ഥാനെയാണ് . ടി20 ക്രിക്കറ്റില്‍ വിന്‍ഡീസിനെതിരെ 15-ാം വിജയം ലക്ഷ്യമിട്ടാണ് ഇന്ത്യ ഇറങ്ങുന്നത്. അങ്ങനെ സംഭവിച്ചാല്‍ വിന്‍ഡീസിനെതിരെ ഏറ്റവും കൂടുതല്‍ ടി20 വിജയങ്ങളെന്ന റെക്കോര്‍ഡിനൊപ്പമെത്താന്‍ ഇന്ത്യക്ക് സാധിക്കും. നിലവില്‍ പാകിസ്ഥാനും 15 വിജയങ്ങളാണുള്ളത്. വിന്‍ഡീസിനെതിരെ കഴിഞ്ഞ 13 ടി20 മത്സരങ്ങളില്‍ ഒരിക്കല്‍ മാത്രമാണ് ഇന്ത്യ പരാജയപ്പെട്ടത്.
