മുഖ്യമന്ത്രിയും ഭാര്യയും കോടിയേരിയെ സന്ദര്‍ശിച്ചു
ആരോഗ്യപ്രശ്നം കാരണം വിദഗ്ധ ചികിത്സക്കായി ചെന്നൈ അപ്പോളോ ആശുപത്രിയിൽ പ്രവേശിപ്പിച്ച സിപിഎം സംസ്ഥാന സെക്രട്ടറി പദവിയൊഴിഞ്ഞ പോളിറ്റ് ബ്യൂറോ അംഗം കോടിയേരി ബാലകൃഷ്ണനെ മുഖ്യമന്ത്രി പിണറായി വിജയനും ഭാര്യ കമലയും ചെന്നൈ ആശുപത്രിയില്‍ സന്ദര്‍ശിച്ചു. കോടിയേരിയുടെ ആരോഗ്യനിലയില്‍ മാറ്റമില്ലാതെ തുടരുന്ന സാഹചര്യത്തിലാണ് സന്ദര്‍ശനം.
ഇന്ന് രാവിലെ ഒന്‍പതരയോടെ മുഖ്യമന്ത്രി ആശുപത്രിയിലെത്തി. ഇന്ന് പകല്‍ മുഴുവന്‍ അദ്ദേഹം ചെന്നൈയിലുണ്ടാകുമെന്നാണ് വിവരം
നിയുക്ത സ്പീക്കര്‍ എ.എന്‍.ഷംസീറും, മന്ത്രി എം.ബി. രാജേഷും കഴിഞ്ഞ ദിവസം കോടിയേരിയെ സന്ദര്‍ശിച്ചിരുന്നു. കീമോ ചെയ്തതിന്‍റെ ശാരീരിക അസ്വസ്ഥതകളുണ്ടെങ്കിലും അദ്ദേഹം സന്ദര്‍ശകരോട് കേരളത്തിലെ രാഷ്ട്രീയവിവരടങ്ങളടക്കം സംസാരിക്കുന്നുണ്ടെന്നാണ് വിവരം.
