പയ്യന്നൂരിലെ ആർ.എസ്.എസ്. ഓഫീസ് ആക്രമണം: രണ്ട് സി.പി.എമ്മുകാർ പിടിയിൽ
പയ്യന്നൂരിലെ ആര്‍.എസ്.എസ്. ഓഫീസായ രാഷ്ട്രമന്ദിറിന് ബോംബേറിഞ്ഞ സംഭവത്തില്‍ രണ്ടു സി.പി.എം. പ്രവര്‍ത്തകര്‍ പിടിയില്‍. കാരമ്മല്‍ കശ്യപ് (23), പെരളം അങ്ങാടിവീട്ടില്‍ ഗെനില്‍ (25) എന്നിവരാണ് പിടിയിലായത്. ആക്രമണത്തില്‍ നേരിട്ട് പങ്കെടുത്തവരാണ് ഇവരെന്നാണ് വിവരം.
കഴിഞ്ഞ 11-ന് പുലര്‍ച്ചെയോടെയാണ് ഓഫീസിനു നേര്‍ക്ക് ആക്രമണം ഉണ്ടായത്. സ്റ്റീല്‍ബോംബാണ് ആക്രമണത്തിന് ഉപയോഗിച്ചത്.
സ്‌ഫോടനത്തില്‍ കെട്ടിടത്തിന്റെ മുന്നിലെ ഇരുമ്പുഗ്രില്ല് വളഞ്ഞുപോയിരുന്നു. ബോംബിന്റെ ചീളുകള്‍ തെറിച്ച് ജനല്‍ച്ചില്ലുകളും പൊട്ടിച്ചിതറി. വരാന്തയിലുണ്ടായിരുന്ന കസേരകളും തകര്‍ന്നു. ആക്രമണത്തില്‍ കെട്ടിടത്തിന്റെ ഗ്രില്ലുകള്‍ക്കും ജനാലച്ചില്ലുകള്‍ക്കും കേടുപറ്റിയിരുന്നു.
