ബലാത്സംഗ കേസിൽ വിജയ് ബാബുവിന് മുൻകൂർ ജാമ്യം
വിചാരണ വേളയിൽ ഇന്ത്യയിൽ ഉണ്ടാകണം
നടന് വിജയ്ബാബുവിന് ഹൈക്കോടതി മുന്കൂര് ജാമ്യം അനുവദിച്ചു.
യുവനടിയെ ബലാത്സംഗം ചെയ്തെന്ന കേസിലാണ് മുൻകൂർ ജാമ്യം.
ഈ മാസം 27ന് അന്വേഷണ ഉദ്യോഗസ്ഥന് മുന്നില് ഹാജരാകണമെന്ന് കോടതി നിര്ദ്ദേശിച്ചിട്ടുണ്ട്. അറസ്റ്റ് ചെയ്താല് ജാമ്യം നല്കണമെന്നും, അന്വേഷണവുമായി സഹകരിക്കാനും കോടതി നിര്ദ്ദേശം നല്കി.
ഉഭയകക്ഷി സമ്മത പ്രകാരം ആണോ ലൈംഗിക പീഡനം എന്നത് ഇപ്പോൾ പരിശോധിക്കേണ്ടതില്ല. അത് വിചാരണ ഘട്ടത്തിൽ നോക്കിയാൽ മതി. വിദേശത്ത് നിന്ന് മുൻകൂര് ജാമ്യ ഹർജി നൽകുന്നതിൽ പ്രശ്നം ഇല്ല. വാദം നടക്കുമ്പോൾ ഇന്ത്യയിൽ ഉണ്ടായാൽ മതി. കേരളം വിട്ട് പോകരുത് എന്നും കോടതി നിര്ദ്ദേശം നല്കി.