മുഖ്യമന്ത്രിയുടേത് വാൽമുറിച്ചോടുന്ന പല്ലിയുടെ കൗശലം : കെ.കെ.രമ
മുഖ്യമന്ത്രി കാണിക്കുന്നത് പല്ലിയുടെ കൗശലമാണെന്ന് കെ.കെ രമ. ഇന്ന് ചേർന്ന നിയമ സഭയോഗത്തിനിടെയാണ് ആരോപണങ്ങളുയരുമ്പോൾ വാൽമുറിച്ചോടുന്ന പല്ലിയുടെ കൗശലമാണ് മുഖ്യമന്ത്രി കാണിക്കുന്നതെന്ന് കെ.കെ.രമ അഭിപ്രായപ്പെട്ടത്.
“സ്വപ്നയുടെ വെളിപ്പെടുത്തലിന് പിന്നാലെ പിടിക്കപ്പെടുമെന്ന് ഉറപ്പായപ്പോൾ വിജിലൻസ് ഡയറക്ടറെ മാറ്റി. മടിയിൽ കനമില്ലെന്ന വാദം പൊളിയാണ്. കനത്ത കനമുള്ളതുകൊണ്ടാണ് ആരോപണം ഉന്നയിച്ചയാൾക്കെതിരെ വക്കീൽ നോട്ടിസ് പോലും അയയ്ക്കാത്തതെന്നും” രമ പരിഹസിച്ചു.
