യൂത്ത് കോണ്‍ഗ്രസുകാര്‍ മദ്യപിച്ചില്ലെന്ന് പരിശോധനഫലം; ജയരാജന്റെ വാദം പൊളിഞ്ഞു
വിമാനത്തിനുള്ളിലെ പ്രതിഷേധത്തില്‍ പങ്കെടുത്ത യൂത്ത്കോണ്‍ഗ്രസ് പ്രവര്‍ത്തകര്‍ മദ്യപിച്ചാണ് എത്തിയതെന്ന ഇ.പി.ജയരാജന്റെ വാദം പൊളിയുന്നു. വിമാനത്താവളത്തിലെ പ്രാഥമിക ശുശ്രൂഷയില്‍ പ്രതിഷേധക്കാര്‍ മദ്യപിച്ചതായി കണ്ടെത്തിയില്ല. മുഖ്യമന്ത്രിക്കെതിരെ വിമാനത്തില്‍ പ്രതിഷേധമുണ്ടായതിന് പിന്നാലെ എല്‍ഡിഎഫ് കണ്‍വീനര്‍ ഇ.പി.ജയരാജന്‍ പറഞ്ഞ കാര്യം പ്രതിഷേധക്കാര്‍ മദ്യപിച്ചിരുന്നു എന്നുള്ള കാര്യമാണ്. അപ്പോള്‍ തന്നെ യൂത്ത്കോണ്‍ഗ്രസ് ഇവരുടെ വൈദ്യ പരിശോധന നടത്തണമെന്ന് ആവശ്യപ്പെട്ടിരുന്നു. അതേസമയം, വിമാനത്താവളത്തില്‍ പ്രാഥമിക ശുശ്രൂഷനല്‍കിയ ഡോക്ടറോ മെഡിക്കല്‍ കോളജില്‍ നടത്തിയ വിശദപരിശോധനയിലോ പ്രതികള്‍ മദ്യപിച്ചതായി ഇതുവരെ കണ്ടെത്തിയില്ല.
