കുളിക്കാനിറങ്ങിയ വിദ്യാർത്ഥി മുങ്ങി മരിച്ചു
15 വയസ്സുകാരൻ ആണ് മരിച്ചത്
സുഹൃത്തുക്കളോടൊപ്പം കുളിക്കാനിറങ്ങിയ വിദ്യാർഥി കുളത്തിൽ മുങ്ങി മരിച്ചു. കോഴിക്കോട് ഫറോക്ക് കൊളത്തറ റഹ്മാൻ ബസാർ പൂവങ്ങൻ സതീഷ് കുമാർ – സിന്ധു ദമ്പതികളുടെ മകൻ സംഗീത് (15) ആണ് റഹ്മാൻ ബസാറിലെ അരീക്കുളത്തിൽ മുങ്ങി മരിച്ചത്.നീന്തലറിയാത്ത സംഗീത് സുഹൃത്തുക്കളോടൊപ്പം കുളത്തിലിറങ്ങിയപ്പോൾ മുങ്ങിപ്പോവുകയായിരുന്നു. വ്യാഴാഴ്ച ഉച്ചക്ക് 1.30നാണ് അപകടം. ചെറുവണ്ണൂർ ഹൈസ്കൂൾ പത്താം തരം വിദ്യാർഥിയാണ്. സഹോദരി: ശ്രുതിക. സംസ്കാരം ഇന്ന് 12 മണിക്ക്.
