'ബയോഡാറ്റയുമായി ഓഫിസിലേക്ക് വരൂ, 10,000 പേർക്ക് ജോലി നൽകും'; ബങ്കിപൂരിൽ മാസ്​ പ്രഖ്യാപനവുമായി പ്രശാന്ത് കിഷോർ

ഉപതിരഞ്ഞെടുപ്പ് വിജയത്തിന് ശേഷം ആദ്യമായി ബങ്കിപൂർ മണ്ഡലത്തിലെത്തിയ ജൻ സുരാജ് പാർട്ടി നേതാവ് പ്രശാന്ത് കിഷോർ നിർണായക പ്രഖ്യാപനങ്ങളുമായി രംഗത്ത്. മണ്ഡലത്തിലെ തൊഴിൽരഹിതരായ 10,000 യുവാക്കൾക്ക് അടുത്ത രണ്ട് വർഷത്തിനകം സ്വകാര്യ മേഖലയിൽ ജോലി ഉറപ്പാക്കുമെന്നാണ് അദ്ദേഹത്തിന്റെ പ്രധാന വാഗ്ദാനം.

വിദ്യാഭ്യാസമുള്ള യുവാക്കൾ ബയോഡാറ്റയുമായി തന്റെ ഓഫീസിലെത്തണമെന്ന് പ്രശാന്ത് കിഷോർ അഭ്യർത്ഥിച്ചു. രാജ്യത്തുടനീളമുള്ള തന്റെ വ്യക്തിപരമായ ബന്ധങ്ങളും നെറ്റ്‌വർക്കും ഉപയോഗപ്പെടുത്തി ഇവർക്ക് തൊഴിൽ ലഭ്യമാക്കുമെന്നും അദ്ദേഹം കൂട്ടിച്ചേർത്തു.

മറ്റു പ്രധാന പ്രഖ്യാപനങ്ങൾ:

• വിദ്യാഭ്യാസ മേഖല: ഒരു വർഷത്തിനകം മണ്ഡലത്തിലെ സർക്കാർ സ്കൂളുകളുടെ നിലവാരം ഉയർത്തും. അതിന് സാധിച്ചില്ലെങ്കിൽ കുട്ടികളെ സ്വകാര്യ സ്കൂളുകളിൽ ചേർക്കുന്നതിൻ്റെ ഫീസ് താൻ വ്യക്തിപരമായി വഹിക്കും.

• വിദ്യാർത്ഥി സമരം: ഡൽഹി ജന്തർമന്തറിലും ഝാർഖണ്ഡിലും സമരം ചെയ്ത വിദ്യാർത്ഥികൾക്ക് നേരെയുണ്ടായ പോലീസ് അതിക്രമങ്ങളെ അദ്ദേഹം ശക്തമായി അപലപിച്ചു.