വധശ്രമം, ഗൂഢാലോചന വകുപ്പുകൾ ചുമത്തി ജയരാജനും മുഖ്യമന്ത്രിയുടെ പേഴ്സണൽ സ്റ്റാഫിനും എതിരേ കേസ്
കോടതി ഉത്തരവിനെ തുടർന്ന് മുഖ്യമന്ത്രിക്കെതിരേ ഇന്ഡിഗോ വിമാനത്തില് നടന്ന പ്രതിഷേധവുമായി ബന്ധപ്പെട്ട് എല്.ഡി.എഫ് കണ്വീനര് ഇ.പി ജയരാജനെതിരേ കേസെടുത്തു. ഐ.പി.സി 308, 307, 506, 120 വകുപ്പുകള് പ്രകാരം വധശ്രമം, ഗൂഢാലോചന എന്നീ കുറ്റങ്ങള് ഇ.പിക്കെതിരേ വലിയതുറ പോലീസ് ചുമത്തിയിട്ടുണ്ട്. കേസിലെ പ്രതികളായ യൂത്ത് കോണ്ഗ്രസ് പ്രവര്ത്തകരുടെ പരാതിയില് തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി കേസെടുക്കാന് ഉത്തരവിട്ടിരുന്നു. കോടതിയുടെ ഈ നിര്ദേശപ്രകാരമാണ് കേസെടുത്തത്.
പ്രതിഷേധിച്ച രണ്ടുപേരെയും ജയരാജന് തള്ളി താഴെയിട്ടെന്ന് എഫ്ഐആറില് പറയുന്നു. മുഖ്യമന്ത്രിക്ക് മുമ്പില് പ്രതിഷേധിക്കാന് നീയൊക്കെ ആരാടാ എന്ന് ജയരാജന് ആക്രോശിച്ചു. കൈ ചുരുട്ടി നവീന് കുമാറിന്റെ മുഖത്തടിച്ചു. മൂന്ന് പ്രതികള് ചേര്ന്ന് അതിക്രൂരമായി മര്ദിച്ചു. ഫര്സീന് മജീദിനെ ജയരാജന് കഴുത്ത് ഞെരിച്ച് ശ്വാസം മുട്ടിച്ച് കൊലപ്പെടുത്താന് ശ്രമിച്ചെന്നും എഫ്.ഐ.ആറില് പറയുന്നു.
ഇ.പി ജയരാജന് പുറമെ മുഖ്യമന്ത്രിയുടെ ഗണ്മാന് അനില്കുമാര്, പേഴ്സണല് സ്റ്റാഫ് അംഗം സുനീഷ് എന്നിവര്ക്കെതിരേയും കേസെടുത്തിട്ടുണ്ട്. കേസിലെ പ്രതികളായ ഫര്സീന് മജീദ്, നവീന്കുമാര് എന്നിവര് ഇ.പി ജയരാജനെതിരേ കേസെടുക്കണമെന്നാവശ്യപ്പെട്ട് മജിസ്ട്രേറ്റ് കോടതിയില് ബുധനാഴ്ച രാവിലെയാണ് ഹരജി നല്കിയത്.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)