ബീഹാറില് വിശാല സഖ്യസര്ക്കാര് ഇന്ന് അധികാരമേല്ക്കും
ബിഹാറില് നിതീഷ് കുമാറിന്റെ നേതൃത്വത്തില് വിശാല സഖ്യ സര്ക്കാര് ഇന്ന് അധികാരമേല്ക്കും. രണ്ട് മണിക്കാണ് സത്യപ്രതിജ്ഞ. വിശാല സഖ്യത്തില് നിതീഷ് കുമാര് മുഖ്യമന്ത്രിയും, തേജസ്വിയാദവ് ഉപമുഖ്യമന്ത്രിയുമാകും. കോണ്ഗ്രസ്, ഇടത് പാര്ട്ടികള്, മറ്റ് ചെറുകക്ഷികള് എന്നിവര്ക്കും മന്ത്രിസഭയില് പ്രാതിനിധ്യം ഉണ്ടാകും. ഉപമുഖ്യമന്ത്രി സ്ഥാനം വേണമെന്ന കോണ്ഗ്രസിന്റെ ആവശ്യം ആര് ജെ ഡി തള്ളി. ആഭ്യന്തരം വേണമെന്ന നിലപാടില് ഉറച്ച് തേജസ്വി യാദവ് നില്ക്കുകയാണ്.ജനതാദള് യുനൈറ്റഡ് (ജെഡിയു) നേതാവ് നിതീഷ് കുമാര് ഇത് എട്ടാം തവണയാണ് ബിഹാര് മുഖ്യമന്ത്രിയായി സത്യപ്രതിജ്ഞ ചെയ്യുന്നത്.
