അഞ്ച് ജില്ലകൾക്ക് ബുധനാഴ്ച അവധി;കനത്ത മഴയും പ്രതികൂല കാലാവസ്ഥയും തുടരുന്നു
Monsoon Fury: Red Alert in 8 Districts; Idukki, Kottayam & Wayanad Announce Educational Holiday
Desk Mediagraamam 
അവധി ഇടുക്കി, കോട്ടയം, വയനാട്, കാസർകോഡ്, പത്തനംതിട്ട ജില്ലകൾക്ക്
സംസ്ഥാനത്ത് അതിശക്തമായ മഴ തുടരുന്ന സാഹചര്യത്തിൽ സുരക്ഷ മുൻനിർത്തി ഇടുക്കി, കോട്ടയം, വയനാട്, കാസർകോഡ്, പത്തനംതിട്ട ജില്ലകളിലെ പ്രഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ (ആഗ :5) ജില്ലാ കളക്ടർമാർ പൂർണ്ണ അവധി പ്രഖ്യാപിച്ചു. അങ്കണവാടികൾ, ട്യൂഷൻ സെന്ററുകൾ, പ്രൊഫഷണൽ കോളേജുകൾ, സ്പെഷൽ ക്ലാസുകൾ, സമാന്തര വിദ്യാഭ്യാസ സ്ഥാപനങ്ങൾ എന്നിവയ്ക്കെല്ലാം അവധി ബാധകമാണ്.
അതിശക്തമായ മഴയ്ക്ക് സാധ്യതയുള്ളതിനാൽ ഇടുക്കി, കോട്ടയം, വയനാട്, പത്തനംതിട്ട, എറണാകുളം, കോഴിക്കോട്, കണ്ണൂർ, കാസർകോട് ജില്ലകളിൽ കാലാവസ്ഥാ വകുപ്പ് റെഡ് / ഓറഞ്ച് അലർട്ടുകൾ നൽകിയിട്ടുണ്ട്.
