കൂട്ടായ്മയുടെ കരുത്തിലാണ് ഇന്ത്യയുടെ പ്രതീക്ഷ :രാഹുൽ ഗാന്ധി
കൂട്ടായ്മയുടെ കരുത്തിലാണ് ഇന്ത്യയുടെ ഭാവിയും പ്രതീക്ഷയുമെന്ന് രാഹുൽ ഗാന്ധി എംപി. അത്തരം കൂട്ടായ്മയുടെ ചുവടുകളാണ് ഭാരത് ജോഡോ യാത്രയിൽ അണിചേരുന്നതെന്നും അദ്ദേഹം പറഞ്ഞു വിവിധ വർണങ്ങളുടെയും വർഗങ്ങളുടെയും മതങ്ങളുടെയും ഭാഷകളുടെയും സംസ്കാരത്തിന്റെയുമൊക്കെ കൂട്ടായ്മയാണ് ഭാരത് ജോഡോ യാത്രയെ മുന്നോട്ടു നയിക്കുന്നതെന്നും രാഹുൽ ഗാന്ധി പറഞ്ഞു. വിപ്ലവകരമായ ഈ യാത്രയിൽ സ്നേഹവും പിന്തുണയും നൽകി അനുഗ്രഹിക്കുന്നവരോട് അദ്ദേഹം നന്ദി അറിയിച്ചു.
45ാം ദിവസത്തെ പദയാത്ര ഇന്നു രാവിലെ ആറിന് യെരഗേര ഗ്രാമത്തിൽ നിന്ന് ആരംഭിച്ചു. രാവിലെ പത്തിന് റെയ്ച്ചൂർ ഹോട്ടൽ ബൃന്ദാവനിൽ എത്തി വിശ്രമിക്കും. വൈകുന്നേരം നാലിന് പുനരാരംഭിക്കുന്ന പദയാത്ര ബസവേശ്വര സർക്കിളിൽ സമാപിക്കും. അവിടെ നടക്കുന്ന പൊതുസമ്മേളനത്തെ രാഹുൽ ഗാന്ധി അഭിസംബോധന ചെയ്യും. രാത്രി ആനന്ദ പ്രൈമറി സ്കൂൾ അങ്കണത്തിലെത്തി വിശ്രമിക്കും.
