പൊന്നണിഞ്ഞ് ലക്ഷ്യ സെന്നും; ബാഡ്മിന്‍റണിൽ ഇന്ത്യയ്ക്ക് ഇരട്ട സ്വർണം
ബാഡ്മിന്‍റണ്‍ വനിതാ വിഭാഗം സിംഗിൾസിൽ പി.വി.സിന്ധു ഇന്ത്യയ്ക്കായി സ്വർണം നേടിയതിന് പിന്നാലെ പുരുഷ വിഭാഗം ബാഡ്മിന്‍റണ്‍ സിംഗിൾസിൽ ലക്ഷ്യ സെൻ സ്വർണം നേടി.
ഇതോടെ കോമണ്വെൽത്ത് ഗെയിംസിൽ ഇന്ത്യയ്ക്ക് 20-ാം സ്വർണം. ഫൈനലിൽ മലേഷ്യയുടെ സി യോംഗിനെ മൂന്ന് ഗെയിം നീണ്ട പോരാട്ടത്തിലാണ് ഇന്ത്യൻ താരം മറികടന്നത്. സ്കോർ: 19-21, 21-9, 21-16.
ആദ്യ ഗെയിമിൽ സെന്നിന് വെല്ലുവിളി ഉയർത്താൻ മലേഷ്യൻ യുവതാരത്തിനായി. നേരിയ വ്യത്യാസത്തിൽ ആദ്യ ഗെയിം നഷ്ടമായ സെൻ രണ്ടാം ഗെയിമിൽ എതിരാളിയെ നിഷ്പ്രഭനാക്കി. മൂന്നാം ഗെയിമിലും മികവ് തുടർന്ന ലക്ഷ്യ ഇന്ത്യയ്ക്കായി സ്വർണം സ്വന്തമാക്കുകയായിരുന്നു.
