തണ്ണിമത്തനിലൊളിപ്പിച്ച് കടത്താന് ശ്രമിച്ചത് ഏഴു ലക്ഷത്തിലേറെ ലഹരി ഗുളികകള്; അഞ്ചുപേര് പിടിയില്
തണ്ണിമത്തനില് ഒളിപ്പിച്ച് കടത്താന് ശ്രമിച്ച ഏഴു ലക്ഷത്തിലേറെ ലഹരി ഗുളികകൾ സൗദി അറേബ്യയിലെ റിയാദില് പിടികൂടി. 765,000 ആംഫെറ്റാമൈന് ഗുളികകളാണ് ജനറല് ഡയറക്ടറേറ്റ് ഓഫ് നാര്കോട്ടിക് കണ്ട്രോള് പിടികൂടിയത്. ഇതുമായി ബന്ധപ്പെട്ട് രണ്ടു സ്വദേശികളും മൂന്ന് സിറിയന് പൗരന്മാരുമുള്പ്പെടെ അഞ്ചുപേര് പിടിയിലായതായി ഡയറക്ടറേറ്റ് ഔദ്യോഗിക വക്താവ് മേജര് മുഹമ്മദ് അല് നജിദി പറഞ്ഞു.
പിടിയിലായവരെ തുടര് നിയമ നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറിയിട്ടുണ്ട്. സൗദി അറേബ്യയുടെ വിവിധ ഭാഗങ്ങളില് ലഹരിമരുന്ന് കടത്താനുള്ള ശ്രമങ്ങള് അധികൃതര് പരാജയപ്പെടുത്തി വരികയാണ്. അടുത്തിടെ 47 മില്യന് ആംഫെറ്റാമൈന് ഗുളികകള് കടത്താനുള്ള ശ്രമം അധികൃതര് പരാജയപ്പെടുത്തിയിരുന്നു.
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)