ഇപി ജയരാജന് പണിയാകുമോ; സിപിഎം സംസ്ഥാന സെക്രട്ടറിയേറ്റ് ഇന്ന്
തിരുവനന്തപുരം: ഇ പി ജയരാജനെതിരെ കേസ് എടുത്തത് അടക്കമുള്ള വിഷയങ്ങള് നിലനില്ക്കെ സിപിഐഎം സംസ്ഥാന സെക്രട്ടറിയേറ്റ് യോഗം ഇന്ന് ചേരും. വിമാനത്തിലെ പ്രതിഷേധത്തിനെ തുടര്ന്ന് ഭരണപക്ഷത്തും പ്രതിപക്ഷത്തുമുണ്ടായ കേസുകളില് എന്ത് തുടര് രാഷ്ട്രീയ നിലപാടുകള് സ്വീകരിക്കണമെന്ന കാര്യം യോഗം ചര്ച്ച ചെയ്യും. നേരത്തെ നടത്തിയ രാഷ്ട്രീയ പ്രചരണം കൂടുതല് ശക്തമാക്കാന് സിപിഐഎം തീരുമാനിച്ചേക്കും. മുന് ധനമന്ത്രി തോമസ് ഐസകിന് ഇ ഡി നല്കിയ നോട്ടിസില് ഹാജരാകുന്ന കാര്യവും സെക്രട്ടറിയേറ്റ് ഇന്ന് ചര്ച്ച ചെയ്യും.
