കൊച്ചി മേയറുടെ ഫേസ്ബുക്ക് പേജ് ഹാക്ക് ചെയ്തു
കൊച്ചി കോര്‍പ്പറേഷന്‍ മേയര്‍ എം. അനില്‍കുമാറിന്‍റെ ഫെയ്‌സ്ബുക്ക് പേജ് ഹാക്ക് ചെയ്തു. സംഭവത്തിൽ അനില്‍കുമാര്‍ സൈബര്‍സെല്ലില്‍ പരാതി നല്‍കി
ഒരു വിദേശ പൗരനും കുടുംബവും ഒരുമിച്ച് നില്‍ക്കുന്ന ചിത്രമാണ് കവർ ചിത്രമായി കൊടുത്തിരിക്കുന്നത്. സെപ്റ്റംബര്‍ 28 മുതല്‍ പേജില്‍ പോസ്റ്റ് ചെയ്തിരിക്കുന്ന ഒന്നും തന്നെ തന്‍റേതല്ലെന്ന് മേയര്‍ അറിയിച്ചു.
മേയറുടെ ഐടി ടീം പേജ് വീണ്ടെടുക്കാന്‍ ശ്രമിച്ചെങ്കിലും വിജയിച്ചിട്ടില്ല. ഇപ്പോള്‍ സൈബര്‍ സെല്ലിന്‍റെ നേതൃത്വത്തില്‍ പേജ് വീണ്ടെടുക്കാനുള്ള ശ്രമം തുടരുകയാണ്.
