കൊല്ലത്ത് ഭാര്യാമാതാവിനെ മരുമകൻ ക്രൂരമായി പീഡിപ്പിച്ചു; പ്രതി പിടിയിൽ
വീറ്റുമുറ്റത്ത് ഗർഭനിരോധന ഉറ കണ്ട വിവരം വിദേശത്തുള്ള മകളെ അറിയിച്ചതിലെ വൈരാഗ്യമെന്ന് സൂചന.
Desk Mediagraamam 
കൊല്ലം: കേരള മനസ്സാക്ഷിയെ ഞെട്ടിച്ചുകൊണ്ട് കൊല്ലം കുണ്ടറയിൽ ഭാര്യാമാതാവിനെ മരുമകൻ ക്രൂരമായ പീഡനത്തിന് ഇരയാക്കി. സ്വന്തം വീട്ടിൽ വെച്ചാണ് പ്രായമായ സ്ത്രീക്ക് നേരെ ഇയാൾ അതിക്രമം നടത്തിയത്. സംഭവത്തിന് ശേഷം ഒളിവിൽ പോകാൻ ശ്രമിച്ച പ്രതിയെ പോലീസ് ഉദ്യോഗസ്ഥർ ചേർന്നാണ് കസ്റ്റഡിയിലെടുത്തത്.
വയോധികയുടെ വീട്ടുപടിക്കൽ ഗർഭനിരോധന ഉറ കണ്ടെത്തിയതുമായി ബന്ധപ്പെട്ട തർക്കമാണ് ക്രൂരമായ അതിക്രമത്തിൽ കലാശിച്ചത്. മുറ്റത്ത് ഇത് കണ്ട വയോധിക വിവരം വിദേശത്തുള്ള തന്റെ മകളെ ഫോണിൽ വിളിച്ചറിയിച്ചിരുന്നു. ഇതിൽ പ്രകോപിതനായ മരുമകൻ, തനിക്കെതിരെ സംസാരിച്ചതിലുള്ള കടുത്ത വൈരാഗ്യം തീർക്കാനാണ് ഭാര്യാമാതാവിനെ ക്രൂരമായി പീഡിപ്പിച്ചതെന്നാണ് പുറത്തുവരുന്ന വിവരങ്ങൾ.
