മൂന്നാം ക്ലാസുകാരനെ ബിയർ കുടിപ്പിച്ചെന്ന പരാതിയില് പൊലീസ് കേസെടുത്തു
മൂന്നാം ക്ലാസുകാരനെ ബിയർ കുടിപ്പിച്ചെന്ന പരാതിയില് ബന്ധുവിനെതിരെ പൊലീസ് കേസെുത്തു. മാതാപിതാക്കളുടെ പരാതിയിലാണ് കുട്ടിയുടെ ഇളയച്ഛനെതിരെ കേസെടുത്തത്. കുട്ടിയെ ബിയര് നിര്ബന്ധിച്ച് കുടിപ്പിച്ച നെയ്യാറ്റിന്കര തൊഴുക്കല് സ്വദേശിയായ ഇളയച്ഛന് മനുവിനെ പൊലീസ് കസ്റ്റഡിയിലെടുത്തിട്ടുണ്ട്. മനുവിനെ പൊലീസ് കൂടുതല് ചോദ്യം ചെയ്യും. കുട്ടിയുടെ അച്ഛനും അമ്മയും കൂലിപ്പണിക്കാരാണ്.
തിരുവോണ ദിവസമാണ് സംഭവം നടന്നത്. കുട്ടിയുടെ വീടിനോട് ചേര്ന്നുള്ള വഴിയുടെ അരികില് നിന്നാണ് കുട്ടി ബിയര് കുടിക്കുന്നതിന്റെ ദൃശ്യങ്ങളാണ് സാമൂഹ്യമാധ്യമങ്ങളിൽ പ്രചരിച്ചത്. ബിയര് കുടിക്കാന് കുട്ടിയുടെ ഇളയച്ഛന് നിര്ബന്ധിക്കുന്നതും ദൃശ്യങ്ങളിലുണ്ട്. ഒരു പ്രദേശവാസി ഫോണില് പകര്ത്തിയ ദൃശ്യം വാട്സ് ആപ്പ് ഗ്രൂപ്പ് വഴിയാണ് പുറത്തുവന്നത്. ഇതോടെ കുട്ടിയുടെ മാതാപിതാക്കൾ നെയ്യാറ്റിന്കര പൊലീസിൽ പരാതി നൽകിയത്
What's Your Reaction?
Like
0
Dislike
0
Love
0
Funny
0
Wow
0
Sad
0
Angry
0
Comments (0)