വയനാട്ടിലെ ആക്രമണത്തെ തള്ളി എസ്എഫ്‌ഐ ദേശീയ നേതൃത്വം
വയനാട്: വയനാട്ടില്‍ രാഹുല്‍ ഗാന്ധി എംപിയുടെ ഓഫീസിലേയ്ക്ക് എസ്എഫ്‌ഐ നടത്തിയ മാര്‍ച്ചിനെ തള്ളി ദേശീയ നേതൃത്വം. എസ് എഫ് ഐ സംഘടന നേതൃത്വത്തിന്റെ അനുമതിയില്ലാതെയാണ് മാര്‍ച്ച് നടത്തിയത്. കുറ്റക്കാര്‍ക്കെതിരെ നടപടിയെടുക്കുമെന്ന് ദേശീയ പ്രസിഡന്റ് വി പി സാനു പറഞ്ഞു. സംഭവിക്കാന്‍ പാടില്ലാത്ത കാര്യമാണ് നടന്നത്. ശക്തമായി തന്നെ അപലപിക്കുന്നു. വിശദമായി അന്വേഷണം നടത്തുവാന്‍ നിര്‍ദ്ദേശിച്ചതായും സാനു പറഞ്ഞു.
