ആക്രമിക്കപ്പെട്ടത് കൊണ്ട് നടി രക്ഷപ്പെട്ടു; വിവാദപരാമര്ശവുമായി പിസി
നടി കേസിലെ അതിജിവിതയെ അപമാനിച്ച് വീണ്ടും കേരളാ ജനപക്ഷം നേതാവ് പിസി ജോര്ജ്. നടിയെ ആക്രമിച്ച കേസ് വന്നതിനാല് അതിജീവിതയ്ക്ക് കൂടുതല് സിനിമ കിട്ടിയെന്നും അത് കൊണ്ട് അവര് രക്ഷപ്പെട്ടുവെന്നുമായിരുന്നു പിസി ജോര്ജിനറെ പരാമര്ശം. കോട്ടയത്ത് നടത്തിയ വാര്ത്താ സമ്മേളനത്തിനിടെയാണ് പിസി ജോര്ജില് നിന്നും അതിജീവിതയെ അപമാനിക്കുന്ന രീതിയിലുള്ള മോശം പരാമര്ശം ഉണ്ടായത്. വ്യക്തി ജീവിതത്തില് അവര്ക്ക് നഷ്ടമുണ്ടായിരിക്കാം, എന്നാല് ഈ ഇഷ്യു ഉണ്ടായതിനാല് പൊതുമേഖലയില് ലാഭം മാത്രമാണ് അതിജീവിതയ്ക്ക് ഉണ്ടായതെന്നും പിസി ജോര്ജ് പറഞ്ഞു. പരാമര്ശം ചോദ്യം ചെയ്ത മാധ്യമപ്രവര്ത്തകരോടും പിസി ജോര്ജ് രോക്ഷം പ്രകടിപ്പിച്ചു.
