ഇന്ത്യയിലെ ഏറ്റവും വലിയ പപ്പു ; അമിത് ഷായുടെ ടിഷര്‍ട്ട് ഇറക്കി തൃണമൂല്‍
അമിത് ഷായുടെ ചിത്രത്തിനൊപ്പം "ഇന്ത്യയിലെ ഏറ്റവും വലിയ പപ്പു' എന്ന അടിക്കുറിപ്പോടെ ആഭ്യന്തര മന്ത്രി അമിത് ഷായെ പരിഹസിച്ച് ടിഷര്‍ട്ട് ഇറക്കി തൃണമൂല്‍ കോണ്‍ഗ്രസ്. വെള്ള, കറുപ്പ്, മഞ്ഞ നിറങ്ങളിലാണ് ടി ഷര്‍ട്ടുകള്‍ പുറത്തിറക്കിയത്.
ബിജെപി രാഹുല്‍ ഗാന്ധിയെ പരിഹസിക്കാന്‍ ഉപയോഗിച്ച പപ്പു വിളി ഇപ്പോള്‍ അമിത് ഷായെ പരിഹസിക്കാന്‍ തൃണമൂല്‍ ഏറ്റെടുത്തിരിക്കുകയാണ്. തൃണമൂല്‍ കോണ്‍ഗ്രസ് എംപി ഡെറക് ഒബ്രിയന്‍ ടീ ഷര്‍ട്ട് ധരിച്ചുള്ള ഫോട്ടോയും നവമാധ്യമങ്ങളില്‍ പങ്കുവച്ചു.
മമത ബാനര്‍ജിയുടെ മരുമകന്‍ അഭിഷേക് ബാനര്‍ജി അമിത് ഷായെ "ഇന്ത്യയിലെ ഏറ്റവും വലിയ പപ്പു' എന്ന് നേരത്തെ വിശേഷിപ്പിച്ചിരുന്നു.
