‘പന്ത് അവസാനം തങ്ങളുടെ കോർട്ടിലെത്തുമെന്ന് തിരിച്ചറിഞ്ഞു’; ആന്റോ അഗസ്റ്റിന് പ്രതിപക്ഷം പ്രതിരോധം തീർത്തത് അതുകൊണ്ട്. കായിക മന്ത്രി

തിരുവനന്തപുരം: ആന്റോ അഗസ്റ്റിനെതിരായ ആരോപണങ്ങളിലും മെസി കേരള സന്ദർശനവുമായി ബന്ധപ്പെട്ട വിവാദങ്ങളിലും പ്രതിപക്ഷത്തിനെതിരെ വിമർശനവുമായി കായിക മന്ത്രി ഒ.ജെ. ജനീഷ്. പന്ത് അവസാനം തങ്ങളുടെ കോർട്ടിലെത്തുമെന്ന് തിരിച്ചറിഞ്ഞാണ് പ്രതിപക്ഷം ആന്റോ അഗസ്റ്റിന് പ്രതിരോധം തീർത്തതെന്ന് മന്ത്രി ആരോപിച്ചു.

മെസി കേരളത്തിലെത്തുന്നതുമായി ബന്ധപ്പെട്ട വിവാദത്തിൽ വിവിധ തലങ്ങളിൽ ഉയർന്നുവരുന്ന ആരോപണങ്ങളുടെ പശ്ചാത്തലത്തിലാണ് മന്ത്രിയുടെ പ്രതികരണം. വിഷയത്തിൽ മുൻ സർക്കാരിനും നിലവിലെ ഭരണ സംവിധാനങ്ങൾക്കും എതിരായി ഉയരുന്ന ആരോപണങ്ങൾ രാഷ്ട്രീയമായി ഉപയോഗിക്കാനുള്ള ശ്രമമാണ് നടക്കുന്നതെന്ന വിമർശനവും മന്ത്രി ഉന്നയിച്ചു.

ആന്റോ അഗസ്റ്റിന്റെ മൊഴികളും അന്വേഷണ ഏജൻസികളുടെ നടപടികളും പുറത്തുവരുന്നതിനിടെ വിവാദം കൂടുതൽ ശക്തമാകുകയാണ്. വിഷയത്തിൽ ആരൊക്കെ എന്ത് നിലപാടാണ് സ്വീകരിച്ചതെന്നും തീരുമാനങ്ങളിൽ ആരുടെ പങ്കാളിത്തമുണ്ടായിരുന്നുവെന്നും അന്വേഷണത്തിലൂടെ വ്യക്തമാകേണ്ടതുണ്ടെന്നും മന്ത്രി പറഞ്ഞു.

വിവാദവുമായി ബന്ധപ്പെട്ട് രാഷ്ട്രീയ ആരോപണ-പ്രത്യാരോപണങ്ങൾ തുടരുന്നതിനിടെ മന്ത്രിയുടെ പരാമർശവും പുതിയ രാഷ്ട്രീയ ചർച്ചകൾക്ക് വഴിവെച്ചിരിക്കുകയാണ്.