ആരു വാഴും, ആരു വീഴും; അർധരാത്രി മഹാപോരാട്ടത്തിൽ പോർച്ചുഗൽ-സ്പെയിൻ നേർക്കുനേർ
Portugal and Spain clash in an epic international football battle filled with world-class skill and dramatic moments.
Desk Mediagraamam 
അർധരാത്രിയിൽ 'തീപാറും' പോർച്ചുഗൽ - സ്പെയിൻ മഹാപോരാട്ടം!
ലോക ഫുട്ബോൾ സിംഹാസനം ലക്ഷ്യമിട്ട് വമ്പന്മാരായ പോർച്ചുഗലും സ്പെയിനും ഇന്ന് നേർക്കുനേർ. അർധരാത്രി 12:30-ന് ആരംഭിക്കുന്ന ഈ പ്രീ ക്വാർട്ടർ പോരാട്ടം ഫുട്ബോൾ ആവേശകരമായ നിമിഷങ്ങൾക്കാകും സാക്ഷ്യം വഹിക്കുക. വെറുമൊരു ടീമുകൾ തമ്മിലുള്ള മത്സരത്തിനപ്പുറം, ലോക ഫുട്ബോളിലെ എക്കാലത്തെയും മികച്ച ഗോൾവേട്ടക്കാരനായ 41-കാരൻ ക്രിസ്റ്റ്യാനോ റൊണാൾഡോയും, ലോകത്തെ വിസ്മയിപ്പിച്ചു കൊണ്ടിരിക്കുന്ന 18-കാരൻ ലാമിൻ യമാലും തമ്മിലുള്ള തലമുറകളുടെ യുദ്ധം കൂടിയാണിത്. ആര് വാഴും ആര് വീഴും എന്നാണ് ആരാധകർ ഉറ്റുനോക്കുന്നത്.
ഗ്രൂപ്പ് ഘട്ടത്തിൽ ഒരു ജയവും രണ്ട് സമനിലയുമായി പതറിയാണെങ്കിലും റൗണ്ട് ഓഫ് 16-ലേക്ക് യോഗ്യത നേടിയ പോർച്ചുഗൽ, പ്രീ-ക്വാർട്ടറിൽ ക്രൊയേഷ്യക്കെതിരെ നാടകീയ വിജയമാണ് സ്വന്തമാക്കിയത്. ഒന്നിനെതിരെ രണ്ട് ഗോളുകൾക്ക് പറങ്കിപ്പട ക്രൊയേഷ്യയെ തകർത്ത മത്സരം ആരാധകരെ മുൾമുനയിൽ നിർത്തിയിരുന്നു. നിശ്ചിത സമയവും കഴിഞ്ഞ്, കളിയുടെ ഇഞ്ചുറി ടൈമിൽ ഗോൺസാലോ റാമോസ് നേടിയ ആ മാന്ത്രിക ഗോളാണ് പോർച്ചുഗലിന്റെ ക്വാർട്ടർ പ്രതീക്ഷകൾ സജീവമാക്കിയത്. അതേസമയം ടൂർണമെന്റിൽ ഇതുവരെ കളിച്ച 4 മത്സരങ്ങളിലും ഒരു ഗോൾ പോലും വഴങ്ങിയിട്ടില്ല എന്നതാണ് സ്പാനിഷ് പടയുടെ ഏറ്റവും വലിയ കരുത്ത്. നിലവിൽ 4 ഗോളുകൾ നേടിയ മിഖേൽ ഒയാർസബാലാണ് സ്പെയിനിന്റെ ടോപ്പ് സ്കോറർ. ലാമിൻ യമാൽ ഒരു ഗോളേ നേടിയിട്ടുള്ളൂ എങ്കിലും അസിസ്റ്റുകളുമായും ഡ്രിബ്ലിങ്ങുകളുമായും മുന്നേറ്റനിരയിൽ സജീവമാണ്.
