65 രൂപയുടെ തൂപ്പുകാരിയിൽ നിന്ന് ബാങ്ക് മാനേജരിലേക്ക്!!!
From sweeping floors for ₹65 to retiring as an Assistant General Manager, discover the inspiring journey of Prateeksha Tondwalkar, who conquered poverty with sheer grit and education
Desk Mediagraamam 
ജീവിതം പ്രതിസന്ധികൾ കൊണ്ട് വഴിമുട്ടിക്കുമ്പോൾ ചിലർ തളർന്നുപോകും, എന്നാൽ മറ്റുചിലർ ആ പ്രതിസന്ധികളെ വിജയത്തിലേക്കുള്ള ചവിട്ടുപടികളാക്കും. അത്തരത്തിൽ വിധിയെ കഠിനാധ്വാനം കൊണ്ട് തോൽപ്പിച്ച സ്ത്രീയാണ് പ്രതീക്ഷ ടോണ്ട്വാൾക്കർ. ഒരിക്കൽ ഒരു ബാങ്കിന്റെ തറ തുടയ്ക്കാനും ടോയ്ലറ്റ് വൃത്തിയാക്കാനും നിയോഗിക്കപ്പെട്ടവൾ, വർഷങ്ങൾക്കിപ്പുറം അതേ ബാങ്കിന്റെ ഉന്നത പദവിയിലേക്ക് നടന്നുക്കയറിയ ത്രസിപ്പിക്കുന്ന ജീവിതകഥ!
20-ാം വയസ്സിലെ ദുരന്തം 1964-ൽ പുണെയിലെ ഒരു സാധാരണ കുടുംബത്തിൽ ജനിച്ച പ്രതീക്ഷയ്ക്ക് കടുത്ത സാമ്പത്തിക ബുദ്ധിമുട്ടുകൾ കാരണം ഏഴാം ക്ലാസ്സിൽ വച്ച് പഠനം ഉപേക്ഷിക്കേണ്ടി വന്നു. തൊട്ടുപിന്നാലെ വിവാഹിതയായെങ്കിലും, ഇരുപതാം വയസ്സിൽ ഒരു റോഡപകടത്തിൽ ഭർത്താവ് സദാശിവ് മരണപ്പെട്ടു. ഒരു വയസ്സുള്ള മകനുമായി എങ്ങോട്ട് പോകണമെന്നറിയാതെ പകച്ചുനിന്ന നിമിഷം.
65 രൂപ ശമ്പളം; ടോയ്ലറ്റ് കഴുകലിൽ നിന്ന് തുടക്കം മകനെ വളർത്താൻ ജീവനില്ലാതെ വന്നപ്പോൾ ഭർത്താവ് ജോലി ചെയ്തിരുന്ന മുംബൈയിലെ സ്റ്റേറ്റ് ബാങ്ക് ഓഫ് ഇന്ത്യ (SBI) ബ്രാഞ്ചിൽ പ്രതീക്ഷ അഭയം തേടി. 1985-ൽ പ്രതിമാസം വെറും 65 രൂപ ശമ്പളത്തിൽ അവർ അവിടെ ഒരു പാർട്ട് ടൈം തൂപ്പുകാരിയായി ജോലിയിൽ പ്രവേശിച്ചു. പുലർച്ചെ 5 മണിക്ക് എഴുന്നേറ്റ് ബാങ്കിലെ മൂന്ന് നിലകളും എട്ടോളം ടോയ്ലറ്റുകളും അവർ ഒറ്റയ്ക്ക് വൃത്തിയാക്കി. ബാങ്ക് ജോലിക്ക് ശേഷം മകനെയും കൂട്ടി ഒരു ഷൂ ഫാക്ടറിയിലും അവർ പണിയെടുത്തു. മകന് ഒരു പാക്കറ്റ് ബിസ്ക്കറ്റ് വാങ്ങാൻ വേണ്ടി ബസ് യാത്രയൊഴിവാക്കി മൈലുകളോളം നടന്ന ദയനീയമായ നാളുകളായിരുന്നു അത്.
കാഴ്ചപ്പാട് മാറ്റിയ നൈറ്റ് കോളജ് പഠനം ബാങ്കിലെ ഉദ്യോഗസ്ഥരെ കണ്ടപ്പോൾ ഈ ദാരിദ്ര്യത്തിൽ നിന്ന് രക്ഷപ്പെടാൻ ‘വിദ്യാഭ്യാസം’ മാത്രമാണ് പോംവഴിയെന്ന് പ്രതീക്ഷ തിരിച്ചറിഞ്ഞു. ജോലി കഴിഞ്ഞ് രാത്രികളിൽ അവർ നൈറ്റ് കോളജിൽ പോയി പഠിക്കാൻ തുടങ്ങി. കഠിനശ്രമത്തിലൂടെ പന്ത്രണ്ടാം ക്ലാസും, പിന്നീട് സൈക്കോളജിയിൽ ബിരുദവും കരസ്ഥമാക്കി. വിദ്യാഭ്യാസ യോഗ്യത ഉയർന്നതോടെ ബാങ്ക് അവരെ തൂപ്പുകാരിൽ നിന്നും മെസഞ്ചറായും, പിന്നീട് ‘ക്ലാർക്ക്-കം-കാഷ്യർ’ ആയും ഉയർത്തി.
സ്വപ്നതുല്യമായ വിജയക്കയറ്റം! 1993-ൽ പ്രമോദ് ടോണ്ട്വാൾക്കർ അവരുടെ ജീവിതത്തിലേക്ക് കടന്നുവന്നതോടെ പ്രതീക്ഷയ്ക്ക് പുതിയൊരു കരുത്ത് ലഭിച്ചു. ഭർത്താവിന്റെ പൂർണ്ണ പിന്തുണയോടെ ബാങ്കിലെ ഇന്റേണൽ പ്രമോഷൻ പരീക്ഷകൾ അവർ ഒന്നൊന്നായി പാസായി. കഠിനമായ മത്സരപരീക്ഷകൾ എഴുതി ‘ട്രെയിനി ഓഫിസർ’ ആയി മാറിയ അവർ, പിന്നീട് ഡെപ്യൂട്ടി ജനറൽ മാനേജർ പദവി വരെ വഹിക്കുകയും, ഒടുവിൽ 2022-ൽ 'അസിസ്റ്റന്റ് ജനറൽ മാനേജർ' (AGM) ആയി വിരമിക്കുകയും ചെയ്തു!
"സാഹചര്യങ്ങളോ ദാരിദ്ര്യമോ പ്രായമോ ഒന്നിനും തടസ്സമല്ല; കഠിനാധ്വാനവും ലക്ഷ്യബോധവുമുണ്ടെങ്കിൽ ലോകം നമ്മുടെ കാൽക്കീഴിലാകും എന്ന് സ്വന്തം ജീവിതത്തിലൂടെ തെളിയിച്ച പ്രതീക്ഷ ടോണ്ട്വാൾക്കർ ഇന്നും ഒരു വലിയ അത്ഭുതമാണ്, പ്രചോദനമാണ്!"
