ഇടത് മുന്നണിയില്‍ അഭയം കിട്ടാത്ത അഭയാര്‍ത്ഥി; തോമസിനെ വലിച്ചുകീറി ജയശങ്കര്‍
കൊച്ചി: കോണ്‍ഗ്രസില്‍ നിന്ന് ഇറങ്ങി ഇടതുമുന്നണിയിലേയ്ക്ക് കളം മാറ്റി ചവിട്ടിയ കെ വി തോമസിനെ ട്രോളി രാഷ്ട്രിയ നിരീക്ഷകന്‍ അഡ്വ. എ ജയശങ്കര്‍. കഴിഞ്ഞ ദിവസം ഫേസ്ബുക്കിലൂടെയായിരുന്നു ജയശങ്കറിന്റെ പരിഹാസം. ജൂണ്‍ 20 ലോക അഭയാര്‍ത്ഥി ദിനം..കോണ്‍ഗ്രസില്‍ നിന്ന് കുടിയിറങ്ങി , ഇടതുമുന്നണിയില്‍ ഇടംകിട്ടാതെ സില്‍വര്‍ ലൈനില്‍ മനസുറപ്പിച്ചു നില്‍ക്കുന്ന ഒരു പാവം അഭയാര്‍ത്ഥി കുമ്പളങ്ങിയിലുണ്ടെന്നായിരുന്നു ജയശങ്കറിന്റെ പ്രതികരണം. നിരവധി ആളുകളാണ് പോസ്റ്റ് ഷെയര്‍ ചെയ്തിട്ടുള്ളത്. സിപിഎമ്മില്‍ നിന്ന് കാര്യമായ പരിഗണന കിട്ടാത്തതിന്റെ പ്രതിഷേധത്തിലാണ് കെ വി തോമസ്. കഴിഞ്ഞ ദിവസം തലസ്ഥാനത്ത് പോയി പിണറായി വിജയനെ കണ്ടെങ്കിലും നാളിതുവരെയായിട്ട് സര്‍ക്കാരില്‍ ഒരു പദവി അത് തോമസിന് സ്വപ്‌നമായി തന്നെ അവശേഷിക്കുന്നു.
