സിപിഎമ്മിനെതിരെ സിപിഐ മുഖമാസിക
തിരുവനന്തപുരം: സിപിഎമ്മിനെതിരെ വീണ്ടും സിപിഐയുടെ മുഖമാസിക നവയുഗം . ചിന്തയിലെ വിമര്‍ശനം മര്യാദയില്ലാത്തത് എന്നാണ് നവയുഗം പറയുന്നത്. സിപിഎമ്മിന്റെ പഴയ നിലപാടുകള്‍ക്കെതിരെ രൂക്ഷമായ വിമര്‍ശനമാണ് നവയുഗത്തിലുള്ളത്. അടിയന്തരാവസ്ഥക്കാലത്ത് ആര്‍എസ്എസും ജന സംഘവുമായി സിപിഎം ബന്ധമുണ്ടാക്കിയെന്ന് സുന്ദരയ്യ തന്നെ പറഞ്ഞിട്ടുണ്ട്. കോണ്‍ഗ്രസ് ബന്ധത്തില്‍ സിപിഐയെ വിമര്‍ശിക്കുന്ന സിപിഎം തമിഴ്‌നാട്ടില്‍ അവരുമായി ബന്ധം ഉണ്ടാക്കിയത് മറക്കുന്നു. രാജന്‍ കേസിന്റെ പേരില്‍ സി അച്യുതമേനോനെ വിമര്‍ശിക്കുന്നവര്‍ മാവോയിസ്റ്റുകളുടെ കൊലകളുടെ പേരിലും അലന്‍ താഹ കേസിന്റെ പേരിലും പിണറായി വിജയനെ വിമര്‍ശിക്കാത്തത് എന്തുകൊണ്ടാണ് എന്നും സിപിഐ മുഖമാസിക ചോദിക്കുന്നു.
