അനിത സര്ക്കാരിന് പ്രിയപ്പെട്ടവള്; തെളിവ് കിട്ടി
തട്ടിപ്പ് കേസിലെ പ്രതി മോണ്സണ് മാവുങ്കലിന്റെ കേസുമായി ബന്ധപ്പെട്ട വിവാദ ഇടനിലക്കാരി അനിത പുല്ലയില് ലോകകേരളസഭ നടക്കുന്ന നിയമസഭാ സമുച്ചയത്തില് എത്തിയത് സഭാ ടിവിയുമായി സഹകരിക്കുന്ന വ്യക്തിയിലൂടെയെന്ന് വിവരം കിട്ടി. സഭാ ടിവിക്ക് സാങ്കേതികസഹായം നല്കുന്ന ബിറ്റ് റേറ്റ് സൊല്യൂഷന്സുമായി സഹകരിക്കുന്ന പ്രവീണ് എന്നയാളിനൊപ്പമാണ് അനിത പുല്ലയില് എത്തിയത്. ഇയാള് വഴി സര്ക്കാരില് അനിതയ്ക്ക് സ്വാധീനമുണ്ടെന്നാണ് ലഭിക്കുന്ന വിവരം. ലോകകേരളസഭയുടെ ഉദ്ഘാടനച്ചടങ്ങ് മുതല് പ്രവീണിനൊപ്പം അനിതയുണ്ടായിരുന്നു. സഭാ ടിവിക്ക് ഒടിടി പ്ലാറ്റ്!ഫോം സൗകര്യം ഒരുക്കുന്ന ഏജന്സിയാണ് ബിറ്റ് റേറ്റ് സൊല്യൂഷന്സ്. ഇവര്ക്ക് ബില്ലുകള് കൈമാറാന് സഹായിക്കുന്നയാളാണ് പ്രവീണ്. ഇയാള്ക്ക് നിയമസഭാ പാസ്സും ലോകകേരളസഭ പാസ്സുമുണ്ടായിരുന്നു. സീരിയല് നിര്മാതാവ് കൂടിയാണ് അനിതയ്ക്ക് സഹായം ചെയ്തുകൊടുത്ത പ്രവീണ്.
