ഫുട്ബോൾ വെറും ഒരു കളിയല്ല; കോടിക്കണക്കിന് ആരാധകരുടെ വികാരമാണ്. സ്റ്റേഡിയത്തിൽ മുഴങ്ങുന്ന ഓരോ ആർപ്പുവിളിയും ഒരു രാജ്യത്തിന്റെ അഭിമാനത്തിന്റെയും ആത്മവിശ്വാസത്തിന്റെയും പ്രതീകമാണ്. "ബ്രസീൽ വാഴട്ടെ!",വിവ ബ്രസീൽ "മുന്നോട്ട് അർജന്റീന!" വാമോസ്​... എന്നിങ്ങനെ ഗാലറികളിൽ ഉയരുന്ന മുദ്രാവാക്യങ്ങൾ കളിക്കാർക്ക് ഊർജം പകരുമ്പോൾ, ഓരോ ദേശീയ ടീമിനും ആരാധകർ സ്നേഹത്തോടെ നൽകിയിട്ടുള്ള പ്രത്യേക വിളിപ്പേരുകളും അവരുടെ പാരമ്പര്യത്തിന്റെ ഭാഗമായിത്തീരുന്നു.

ലോക ഫുട്ബോളിലെ ഏതാനും പ്രമുഖ ദേശീയ ടീമുകളുടെ പ്രശസ്ത വിളിപ്പേരുകളും അവയുടെ ചരിത്രവും:

ബ്രസീൽ

വിളിപ്പേരുകൾ:

• സെലെസാവോ (തിരഞ്ഞെടുക്കപ്പെട്ടവർ)
• കനാരിഞ്ഞോ (മഞ്ഞക്കിളി)

ആരാധകരുടെ ആവേശവിളി: "ബ്രസീൽ വാഴട്ടെ!" വിവ ബ്രസീൽ

ചരിത്രം

1950-ലെ ലോകകപ്പ് ഫൈനലിൽ ഉറുഗ്വായോട് സ്വന്തം നാട്ടിൽ ഏറ്റ തോൽവി "മറാക്കാന ദുരന്തം" എന്ന പേരിലാണ് അറിയപ്പെടുന്നത്. അതിനുശേഷം ബ്രസീൽ തങ്ങളുടെ വെള്ള ജേഴ്സി ഉപേക്ഷിച്ച് ദേശീയ പതാകയിലെ മഞ്ഞ, പച്ച, നീല നിറങ്ങൾ ഉൾപ്പെടുത്തിയ പുതിയ ജേഴ്സി സ്വീകരിച്ചു. മഞ്ഞ ജേഴ്സിയെ അടിസ്ഥാനമാക്കിയാണ് "കനാരിഞ്ഞോ" എന്ന വിളിപ്പേര് രൂപപ്പെട്ടത്.

അർജന്റീന

വിളിപ്പേര്:

• ലാ അൽബിസെലെസ്റ്റെ (വെളുപ്പും ആകാശനീലയും)

ആരാധകരുടെ ആവേശവിളി: "മുന്നോട്ട് അർജന്റീന!" വാമോസ്​ അർജന്‍റീന

ചരിത്രം

അർജന്റീനയുടെ ദേശീയ പതാകയിലെ ആകാശനീലയും വെളുപ്പും ചേർന്ന നിറങ്ങളാണ് ഈ വിളിപ്പേരിന് കാരണം. സ്പാനിഷിൽ അൽബി എന്നാൽ വെളുപ്പ്, സെലെസ്റ്റെ എന്നാൽ ആകാശനീല എന്നാണ് അർഥം.

ഫ്രാൻസ്

വിളിപ്പേര്:

• ലെ ബ്ലൂ (നീലപ്പട)

ആരാധകരുടെ ആവേശവിളി: "മുന്നോട്ട്, നീലപ്പട!"

ചരിത്രം

ഫ്രാൻസിന്റെ ദേശീയ നിറമായ നീലയിൽ നിന്നാണ് ഈ പേര് ഉണ്ടായത്. ദേശീയ ടീമിന്റെ നീല ജേഴ്സിയാണ് "ലെ ബ്ലൂ" എന്ന പേര് ലോകപ്രശസ്തമാക്കിയത്.

സ്പെയിൻ

വിളിപ്പേരുകൾ:

• ലാ റോഹ (ചുവപ്പുപട)
• ലാ ഫ്യൂറിയ റോഹ (ചുവന്ന വീര്യം)

ആരാധകരുടെ ആവേശവിളി: "അവരെ കീഴടക്കൂ!"

ചരിത്രം

1920-ലെ ഒളിമ്പിക്സിൽ സ്പെയിൻ പുറത്തെടുത്ത ആക്രമണോത്സുകമായ കളിശൈലിയെ പ്രശംസിച്ചാണ് മാധ്യമങ്ങൾ "ചുവന്ന വീര്യം" എന്ന വിശേഷണം നൽകിയത്. പിന്നീട് അത് ടീമിന്റെ സ്ഥിരം വിളിപ്പേരായി മാറി.

ജർമ്മനി

വിളിപ്പേരുകൾ:

• ഡി മാൻഷാഫ്റ്റ് (ടീം)
• നാഷണൽഎൽഫ് (ദേശീയ പതിനൊന്ന്)

ചരിത്രം

വ്യക്തിഗത മികവിനേക്കാൾ കൂട്ടായ്മയ്ക്കും അച്ചടക്കത്തിനും പ്രാധാന്യം നൽകുന്ന ജർമ്മൻ ഫുട്ബോൾ സംസ്കാരത്തിന്റെ പ്രതീകമാണ് "ഡി മാൻഷാഫ്റ്റ്".

 സമീപകാലത്ത് ജർമ്മൻ ഫുട്ബോൾ ഫെഡറേഷൻ "ഡി മാൻഷാഫ്റ്റ്" എന്ന ബ്രാൻഡിംഗ് ഔദ്യോഗികമായി കുറച്ചെങ്കിലും ആരാധകരും മാധ്യമങ്ങളും ഇന്നും ഈ പേര് വ്യാപകമായി ഉപയോഗിക്കുന്നു.

 ഇംഗ്ലണ്ട്

വിളിപ്പേര്:

• ത്രീ ലയൺസ് (മൂന്ന് സിംഹങ്ങൾ)

ആരാധകരുടെ പ്രശസ്ത മുദ്രാവാക്യം: "ഇറ്റ്സ് കമ്മിംഗ് ഹോം" (ഫുട്ബോൾ സ്വന്തം നാട്ടിലേക്ക് തിരിച്ചെത്തുന്നു)

ചരിത്രം

ഇംഗ്ലണ്ട് ഫുട്ബോൾ അസോസിയേഷന്റെ ചിഹ്നത്തിലെ മൂന്ന് സിംഹങ്ങളിൽ നിന്നാണ് ഈ പേര് ഉണ്ടായത്. "ഇറ്റ്സ് കമ്മിംഗ് ഹോം" എന്നത് 1996 യൂറോ കപ്പിനായി പുറത്തിറങ്ങിയ പ്രശസ്ത ഗാനത്തിലൂടെയാണ് ആരാധകരുടെ സ്ഥിരം മുദ്രാവാക്യമായത്.

നെതർലാൻഡ്സ്

വിളിപ്പേരുകൾ:

• ഓറാഞ്ചെ (ഓറഞ്ച് പട)
• ക്ലോക്ക്വർക്ക് ഓറഞ്ച്

ചരിത്രം

ഡച്ച് രാജകുടുംബമായ "ഹൗസ് ഓഫ് ഓറഞ്ച്-നസാവു"വിന്റെ ബഹുമാനാർത്ഥമാണ് ഓറഞ്ച് നിറം ദേശീയ ടീമിന്റെ അടയാളമായത്. 1970-കളിൽ ലോകത്തെ വിസ്മയിപ്പിച്ച ടോട്ടൽ ഫുട്ബോൾ ശൈലിയാണ് "ക്ലോക്ക്വർക്ക് ഓറഞ്ച്" എന്ന വിശേഷണം നേടിക്കൊടുത്തത്. തുടർച്ചയായി ലോകകപ്പുകളിൽ യോഗ്യത നേടാത്ത അവസ്ഥയിലാണ്​ മുൻ ലോക ചാംപ്യൻമാരായ ഇറ്റലിയുടെ നിലവിലെ അവസ്ഥ.

 ഇറ്റലി

വിളിപ്പേര്:

• അസൂറി (നീലപ്പട)

ചരിത്രം

ഇറ്റലിയുടെ ദേശീയ പതാകയിൽ നീല നിറമില്ല. എന്നാൽ മുൻകാല സാവോയ് രാജവംശത്തിന്റെ ഔദ്യോഗിക നിറമായ സാവോയ് നീലയാണ് ദേശീയ ടീമിന്റെ ജേഴ്സിയായി സ്വീകരിച്ചത്. അതിൽ നിന്നാണ് "അസൂറി" എന്ന പേര് വന്നത്.

പോർച്ചുഗൽ

വിളിപ്പേര്:

• സെലെസാവോ ദാസ് ക്വീനാസ് (അഞ്ച് രാജചിഹ്നങ്ങളുടെ ടീം)

ചരിത്രം

പോർച്ചുഗലിന്റെ ദേശീയ ചിഹ്നത്തിലുള്ള അഞ്ച് നീല രാജചിഹ്നങ്ങളുമായി ബന്ധപ്പെട്ടാണ് ഈ പേര് ഉണ്ടായത്.

ബെൽജിയം

വിളിപ്പേര്:

• ചെമ്പൻ പിശാചുകൾ (റെഡ്​ ഡെവിൾസ്​)

ചരിത്രം

1906-ൽ ഒരു പത്രപ്രവർത്തകൻ ബെൽജിയത്തിന്റെ ഉജ്ജ്വല പ്രകടനം കണ്ട് നൽകിയ വിശേഷണമാണ് പിന്നീട് ടീമിന്റെ ഔദ്യോഗിക വിളിപ്പേരായി മാറിയത്.

ക്രൊയേഷ്യ

വിളിപ്പേര്:

• അഗ്നിവീരർ (The Fiery Ones" or "The Blazers")

ചരിത്രം

ക്രൊയേഷ്യൻ ഭാഷയിൽ "അഗ്നിവീരർ" എന്നർഥം വരുന്ന ഈ പേര് ടീമിന്റെ പോരാട്ടവീര്യത്തെ സൂചിപ്പിക്കുന്നു.

ഇന്ത്യയ്ക്കും പേരുണ്ട്

വിളിപ്പേര്:
ബ്ലൂ ടൈഗേഴ്സ് (നീലക്കടുവകൾ)

ചരിത്രം

ലോക കപ്പിൽ ഇതുവരെ കളിക്കാൻ അവസരം കിട്ടാത്ത ഇന്ത്യൻ ടീമിനും പേരുണ്ട്​. ഇന്ത്യയുടെ ദേശീയ മൃഗമായ ബംഗാൾ കടുവയുടെ കരുത്തും ഇന്ത്യൻ കായിക ടീമുകളുടെ പരമ്പരാഗത നീല നിറവും ചേർന്നാണ് നീലക്കടുവകൾ എന്ന പേര് രൂപപ്പെട്ടത്.

ആരാധകരുടെ ആവേശം

ഇന്ത്യൻ ദേശീയ ടീമിന്റെ പ്രധാന ആരാധകക്കൂട്ടായ്മയായ ബ്ലൂ പിൽഗ്രിംസ് സ്റ്റേഡിയങ്ങളിൽ ഇന്ത്യൻ ഫുട്ബോളിനെ പ്രോത്സാഹിപ്പിക്കുന്ന വിവിധ മുദ്രാവാക്യങ്ങളും മുഴക്കാറുണ്ട്. എന്നാൽ ഇന്ത്യയ്ക്ക് ബ്രസീലിന്റെ "ബ്രസീൽ വാഴട്ടെ!" അല്ലെങ്കിൽ അർജന്റീനയുടെ "മുന്നോട്ട് അർജന്റീന!" പോലുള്ള ഔദ്യോഗികവും സർവസ്വീകാര്യവുമായ ഒരൊറ്റ ആരാധക മുദ്രാവാക്യം നിലവിലില്ല എന്നതാണ് വസ്തുത. ഏറ്റവും പുതിയ ഫിഫ റാങ്കിങ് പ്രകാരം ഇന്ത്യൻ പുരുഷ ഫുട്ബോൾ ടീം ദയനീയമായ 138-ാം സ്ഥാനത്താണ്.