ചലച്ചിത്രോല്‍സവത്തിന് വ്യത്യസ്ത യാത്രാനുഭവം നല്‍കി കൊച്ചി മെട്രോ
മൂന്ന് തിയറ്റുകള്‍, പ്രതിദിനം പതിനഞ്ചിലേറെ സിനിമകളുടെ പ്രദര്‍ശനം. നഗര തിരക്കിനിടയിലൂടെ നഗര പ്രാന്തങ്ങളില്‍ നിന്ന് തിയേറ്റുകളിലേക്ക് കൃത്യസമയത്ത് എത്താന്‍ ഡെലിഗേറ്റുകള്‍ക്ക് ഇത്തവണ ഒരു യാത്രാ പങ്കാളി കൂടി ഉണ്ടായിരുന്നു. - കൊച്ചി മെട്രോ . സ്വന്തം വാഹനങ്ങളെ മെട്രോ സ്റ്റേഷനുകളിലെ പാര്‍ക്കിംഗ് സ്ഥലത്ത് വിട്ട് നവീന ദൃശ്യ വിസ്മയങ്ങള്‍ക്ക് സാക്ഷ്യം വഹിക്കാന്‍ ഡെലിഗേറ്റുകള്‍ കൊച്ചി മെട്രോയില്‍ ടിക്കറ്റ് എടുത്തു. പ്രത്യേകിച്ചും സ്റ്റുഡന്റ് ഡെലിഗേറുകള്‍. കാരണം ചലച്ചിത്രോല്‍സവ രാവുകളില്‍ അവര്‍ക്ക് യാത്ര തികച്ചും സൗജന്യമായിരുന്നു. ആദ്യ ദിനത്തില്‍ 498 സ്റ്റുഡന്റെ ഡെലിഗേറ്റുകളാണ് മെട്രോയില്‍ സഞ്ചരിച്ച് തിയേറ്ററുകളില്‍ എത്തിയത്. രണ്ടാം ദിവസം ഇത് 756 ഉം മൂന്നാം ദിവസം 829 ആയും ഉയര്‍ന്നു. മൊത്തം 892 പേരാണ് സ്റ്റുഡന്റ് ഡെലിഗേറ്റുകളായി ഫിലിം ഫെസ്റ്റിവെലില്‍ രജിസ്റ്റര്‍ ചെയ്തിരുന്നത്
കൊച്ചി രാജ്യാന്തര ഫിലിം ഫെസ്റ്റിവെലിന്റെ ഒഫീഷ്യല്‍ ട്രാവല്‍ പാര്‍ട്ണര്‍ ആണ് കൊച്ചി മെട്രോ. സൗജന്യ യാത്രാ ടിക്കറ്റിനായി സ്റ്റുഡന്റ് ഡെലിഗേറ്റ് പാസ് കൊച്ചി മെട്രോ സ്റ്റേഷന്‍ ടിക്കറ്റ് കൗണ്ടറില്‍ കാണിച്ചാല്‍ മതി.
