എല്‍ഡിഎഫ് സര്‍ക്കാര്‍ ഒന്നാം വാര്‍ഷികം; ഉദ്ഘാടനം ഇന്ന്
എല്‍ഡിഎഫ് സര്‍ക്കാരിന്റെ ഒന്നാം വാര്‍ഷികാഘോഷത്തിന്റെ സംസ്ഥാനതല ഉദ്ഘാടനം ഇന്ന് നടക്കും. വൈകിട്ട് ആറിന് പൊലീസ് മൈതാനിയില്‍ മുഖ്യമന്ത്രി പിണറായി വിജയന്‍ ഉദ്ഘാടനം നിര്‍വഹിക്കും. 14 വരെ നടക്കുന്ന 'എന്റെ കേരളം' മെഗാ പ്രദര്‍ശനത്തിന്റെ ഉദ്ഘാടനവും മുഖ്യമന്ത്രി നിര്‍വഹിക്കും. റവന്യുഭവന നിര്‍മ്മാണ വകുപ്പ് മന്ത്രി അഡ്വ. കെ രാജന്‍ അധ്യക്ഷനാവും. മന്ത്രിമാരായ റോഷി അഗസ്റ്റിന്‍, കെ കൃഷ്ണന്‍കുട്ടി, എ കെ ശശീന്ദ്രന്‍, അഹമ്മദ് ദേവര്‍കോവില്‍, ആന്റണി രാജു, എം വി ഗോവിന്ദന്‍, പ്രതിപക്ഷ നേതാവ് വി ഡി സതീശന്‍, കോര്‍പറേഷന്‍ മേയര്‍ ടി ഒ മോഹനന്‍, എംഎല്‍എമാരായ രാമചന്ദ്രന്‍ കടന്നപ്പള്ളി, കെ ബി ഗണേഷ്‌കുമാര്‍, കെ പി മോഹനന്‍, കോവൂര്‍ കുഞ്ഞുമോന്‍ എന്നിവര്‍ ആശംസ നേരും. ഉദ്ഘാടന ചടങ്ങിന് ശേഷം, ചലച്ചിത്ര പിന്നണി ഗായകന്‍ മിഥുന്‍ ജയരാജ് അവതരിപ്പിക്കുന്ന 'ശ്രുതി മധുരം' അരങ്ങേറും. ഉദ്ഘാടന ചടങ്ങിന് മുമ്പായി 4.30ന് ഗ്രാമ്യ നിടുവാലൂര്‍ അവതരിപ്പിക്കുന്ന നാടന്‍ പാട്ട് തുടര്‍ന്ന്, കേരള ക്ഷേത്ര കലാ അക്കാദമി അവതരിപ്പിക്കുന്ന പഞ്ചവാദ്യം എന്നിവയും ഉണ്ടാകും. സര്‍ക്കാര്‍ അധികാരമേറ്റ മെയ് 20 വരെ നീളുന്ന വാര്‍ഷികാഘോഷ പരിപാടികളാണ് സംസ്ഥാനത്തൊട്ടാകെ സംഘടിപ്പിച്ചിട്ടുള്ളത്.
