രാജ്യത്ത് കോവിഡ് നാലാം തരംഗം ഇല്ല: ഐസിഎംആർ
രാജ്യത്തിന്റെ ചില ഭാഗങ്ങളിൽ മാത്രമാണ് വർധനവ് ഉള്ളത്
രാജ്യത്ത് കോവിഡ് കേസുകളില്‍ നിലവിലുള്ള വര്‍ദ്ധനവിനെ നാലാം തരംഗമായി കാണാനാവില്ലെന്ന് വ്യക്തമാക്കി. ഐസിഎംആര്‍ അഡീഷണല്‍ ഡയറക്ടര്‍ ജനറല്‍ സമിരന്‍ പാണ്ഡ. ജില്ലാ തലങ്ങളില്‍ കോവിഡിന്റെ കുതിപ്പ് നിരീക്ഷിക്കപ്പെട്ടിട്ടുണ്ടെന്നും ഇതിനെ നിലവിലെ അവസ്ഥയില്‍ നിന്നുള്ള ഒരു വ്യതിയാനമായേ കണക്കാക്കാനാവൂ എന്നും സമിരന്‍ പാണ്ഡ പറഞ്ഞു.
രാജ്യത്തിന്റെ ചില പ്രദേശങ്ങളില്‍ മാത്രമുള്ള ഈ വര്‍ദ്ധനവ് നാലാം തരംഗമല്ലെന്ന് പറയുന്നതിന് പിന്നിലെ കാരണങ്ങളും അദ്ദേഹം വിശദമാക്കി. നിലവിൽ പ്രാദേശിക തലങ്ങളിലാണ് കുതിപ്പ് രേഖപ്പെടുത്തിയിട്ടുള്ളത്. അതിന് കാരണം, ടെസ്റ്റ് ചെയ്യുന്നതിലെ അനുപാതമാണ്. ഇപ്പോഴുള്ളത് ഒരു വ്യതിയാനം മാത്രമാണ്.
