ശബ്ദം തിരിച്ചറിയാന്‍ മഞ്ജുവിനെ വിളിച്ചുവരുത്തി ക്രൈംബ്രാഞ്ച്
ശബ്ദം തിരിച്ചറിയാന്‍ മഞ്ജുവിനെ വിളിച്ചുവരുത്തി ക്രൈംബ്രാഞ്ച്
നടിയെ ആക്രമിച്ച കേസില്‍ മഞ്ജുവാര്യരുടെ മൊഴി രേഖപ്പെടുത്തി ക്രൈംബ്രാഞ്ച്. തുടരന്വേഷണത്തിന്റെ ഭാഗമായാണ് നടപടി. ഓഡിയോ സന്ദേശങ്ങളിലെ ശബ്ദം തിരിച്ചറിയുകയായിരുന്നു ലക്ഷ്യം. കഴിഞ്ഞ ദിവസം നഗരത്തിലെ ഹോട്ടലില്‍ വച്ചാണ് മൊഴി എടുത്തത്. കേസുമായി ബന്ധപ്പെട്ട് ദിലീപ് അടക്കമുള്ള പ്രതികളുടെ നിരവധി ശബ്ദ സാമ്പിളുകളാണ് അന്വേഷണ സംഘത്തിന് ലഭിച്ചിട്ടുള്ളത്. ഇതില്‍ വ്യക്തത തേടി പലരില്‍ നിന്നും മൊഴിയെടുക്കുന്നുണ്ട് . ഇതിന്റെ ഭാഗമായാണ് മഞ്ജുവില്‍ നിന്നും അന്വേഷണ സംഘം മൊഴിയെടുത്തത്. ശബ്ദസാംപിളുകള്‍ മഞ്ജു തിരിച്ചറിഞ്ഞതായും സ്ഥിരികരിക്കാത്ത റിപ്പോര്‍ട്ടുകളുണ്ട് .
