കോൺഗ്രസിലേക്ക് മടങ്ങാൻ ക്യാപ്റ്റൻ അമരീന്ദർ സിംഗ് #Congress #Punjab #AmarinderSingh
ചണ്ഡീഗഢ്: അടുത്ത വർഷം നടക്കാനിരിക്കുന്ന പഞ്ചാബ് നിയമസഭാ തിരഞ്ഞെടുപ്പിന് മുന്നോടിയായി, ക്യാപ്റ്റൻ അമരിന്ദർ സിംഗ്വീ ണ്ടും ഇന്ത്യൻ നാഷണൽ കോൺഗ്രസിലേക്ക് മടങ്ങിയേക്കുമെന്ന അഭ്യൂഹങ്ങൾക്ക് ശക്തിപകരുന്ന തരത്തിൽ, അദ്ദേഹം കോൺഗ്രസ് നേതാക്കളുമായി ബന്ധപ്പെടുന്നുണ്ടെന്ന് മുൻ ഹരിയാന മുഖ്യമന്ത്രിയായ ഭൂപിന്തർ സിംഗ് ഹൂട അവകാശപ്പെട്ടു. മാധ്യമങ്ങളോട് സംസാരിക്കവെ ഹൂഡ, അമരീന്ദർ സിംഗ് ഒരു മുതിർന്ന കോൺഗ്രസ് നേതാവും തന്റെ ദീർഘകാല രാഷ്ട്രീയ സഹയാത്രികനുമാണെന്ന് പറഞ്ഞു. ഇരുവരും തമ്മിലുള്ള രാഷ്ട്രീയ ബന്ധം ഇന്നും തുടരുന്നതായും അദ്ദേഹം സൂചിപ്പിച്ചു.നിലവിൽ അമരീന്ദർ സിംഗ് ബിജെപി യുമായി ബന്ധപ്പെട്ടിരിക്കുകയാണ്. അദ്ദേഹത്തിന്റെ കോൺഗ്രസിലേക്കുള്ള മടങ്ങിവരവിനെക്കുറിച്ചുള്ള ചർച്ചകൾ രാഷ്ട്രീയ വൃത്തങ്ങളിൽ സജീവമാണ്.
ചണ്ഡീഗഢ്:
കാപ്റ്റൻ അമരിന്ദർ സിംഗ്വീ ണ്ടും കോൺഗ്രസിലേക്ക് മടങ്ങിയേക്കുമോ എന്ന ചർച്ചകൾക്ക് പുതിയ ഊർജം ലഭിച്ചിരിക്കുകയാണ്. മുൻ ഹരിയാന മുഖ്യമന്ത്രിയായ ഭൂപിന്ദർ സിംഗ് ഹൂട നടത്തിയ പരാമർശങ്ങളാണ് ഈ അഭ്യൂഹങ്ങൾക്ക് കൂടുതൽ ശക്തി നൽകുന്നത്.
84-കാരനായ അമരീന്ദർ സിംഗ്, 2021-ൽ ഇന്ത്യൻ നാഷണൽ കോൺഗ്രസ് വിട്ട് ബിജെപി യിൽ ചേർന്നെങ്കിലും, പിന്നീട് പാർട്ടിയുടെ പ്രവർത്തനരീതിയെക്കുറിച്ച് അസന്തുഷ്ടനാണെന്ന സൂചനകൾ പലതവണ നൽകിയിട്ടുണ്ട്.
പഞ്ചാബുമായി ബന്ധപ്പെട്ട വിഷയങ്ങളിൽ കോൺഗ്രസ് നേതൃത്വം തന്റെ അഭിപ്രായം സ്ഥിരമായി തേടിയിരുന്നുവെന്ന് അദ്ദേഹം പറഞ്ഞിട്ടുണ്ട്. എന്നാൽ ബിജെപിയിൽ തീരുമാനമെടുക്കൽ കൂടുതൽ കേന്ദ്രീകൃതമാണെന്നും സംസ്ഥാന നേതാക്കളുടെ അഭിപ്രായങ്ങൾക്ക്വേണ്ടത്ര പ്രാധാന്യം ലഭിക്കുന്നില്ലെന്നുമാണ് അദ്ദേഹത്തിന്റെ വിമർശനം.
ബിജെപി നേതാക്കളിൽ നിന്ന് വ്യക്തിപരമായ ബന്ധപ്പെടലുകൾ കുറവാണെന്നും അമരീന്ദർ സിംഗ് പരാതിപ്പെട്ടിട്ടുണ്ട്. അടുത്തിടെ, തന്റെ ജന്മദിനത്തിൽ രാഹുൽ ഗാന്ധി ആശംസ അറിയിച്ചതായും സഹോദരന്റെ മരണത്തിൽ അനുശോചനം രേഖപ്പെടുത്തിയതായും അദ്ദേഹം വെളിപ്പെടുത്തി. ബിജെപി നേതൃത്വത്തിൽ നിന്ന് ഇത്തരം വ്യക്തിപരമായ പരിഗണന ലഭിച്ചില്ലെന്നും അദ്ദേഹം സൂചിപ്പിച്ചു.
ഈ സാഹചര്യത്തിലാണ് അമരീന്ദർ സിംഗിന്റെ കോൺഗ്രസിലേക്കുള്ള സാധ്യതയുള്ള തിരിച്ചുവരവിനെക്കുറിച്ചുള്ള രാഷ്ട്രീയ ചർച്ചകൾ വീണ്ടും സജീവമായിരിക്കുന്നത്. എന്നാൽ ഇക്കാര്യത്തിൽ അദ്ദേഹമോ കോൺഗ്രസ് നേതൃത്വമോ ഔദ്യോഗിക സ്ഥിരീകരണം നൽകിയിട്ടില്ല.
