തൃക്കാക്കരയില്‍ എ എന്‍ രാധാകൃഷ്ണന് ബിജെപി സ്ഥാനാര്‍ത്ഥി
കൊച്ചി: തൃക്കാക്കരയില്‍ എ എന്‍ രാധാകൃഷ്ണന് ബിജെപി സ്ഥാനാര്‍ത്ഥിയാകും. ബിജെപി സംസ്ഥാന വൈസ് പ്രസിഡന്റാണ്. നേരത്തെ തന്നെ എ എന്‍ രാധാകൃഷ്ണന് മത്സരിക്കുമെന്ന സൂചനകള്‍ ലഭിച്ചിരുന്നെങ്കിലും ഇന്ന് രാവിലെയാണ് ഇക്കാര്യം സംബന്ധിച്ച് ഔദ്യോഗിക സ്ഥിരികരണമുണ്ടായത്. കോഴിക്കോട് ചേര്‍ന്ന ബിജെപി സംസ്ഥാന കോര്‍കമ്മറ്റി യോഗത്തിലാണ് രാധാകൃഷ്ണനെ പ്രഖ്യാപിച്ചത്. നേരത്തെ ലോക്‌സഭാ തെരഞ്ഞെടുപ്പിലും നിയമസഭാ തെരഞ്ഞെടുപ്പുകളിലും മത്സരിച്ച രാധാകൃഷ്ണന് പക്ഷെ ജയിക്കാനായിട്ടില്ല. ഇക്കുറി മണ്ഡലത്തില്‍ അട്ടിമറി വിജയമാണ് രാധാകൃഷ്ണനിലൂടെ ബിജെപി ലക്ഷ്യമിടുന്നത്.
