മഞ്ജുവിനെ അപമാനിച്ചു; യുവാവിനെതിരെ കേസ്
ഭീഷണിപ്പെടുത്തല്‍, ഐ ടി ആക്ട് വകുപ്പുകള്‍ എന്നിവ ഇയാള്‍ക്കെതിരെ ചുമത്തിയിട്ടുണ്ട്. സമൂഹ മാധ്യമങ്ങളില്‍ ഇടുന്ന പോസ്റ്റുകള്‍ക്ക് താഴെ
സമൂഹ മാധ്യമങ്ങളിലൂടെ നടി മഞ്ജു വാര്യരെ അപമാനിച്ചെന്ന് പരാതി. പരാതിയില്‍ എളമക്കര പൊലീസ് യുവാവിനെതിരെ കേസെടുത്തു. ഭീഷണിപ്പെടുത്തല്‍, ഐ ടി ആക്ട് വകുപ്പുകള്‍ എന്നിവ ഇയാള്‍ക്കെതിരെ ചുമത്തിയിട്ടുണ്ട്. സമൂഹ മാധ്യമങ്ങളില്‍ ഇടുന്ന പോസ്റ്റുകള്‍ക്ക് താഴെ തന്നെ അപമാനിക്കുന്ന രീതിയില്‍ കമന്റുകള്‍ ഇടുന്നുവെന്ന് മഞ്ജു വാര്യര്‍ എസിപിക്ക് മെയില്‍ മുഖേനെ പരാതി നല്‍കിയിരുന്നു. തുടര്‍ന്ന് പൊലീസ് നടത്തിയ അന്വേഷണത്തില്‍ അപമാനിക്കുന്ന രീതിയില്‍ കമന്റുകള്‍ ഇടുന്നത് കണ്ടെത്തി. എറണാകുളം സ്വദേശിയായ യുവാവിനെക്കുറിച്ച് കൃത്യമായ വിവരങ്ങള്‍ പൊലീസിന് ലഭിച്ചിട്ടുണ്ട്. യുവാവിന്റെ അറസ്റ്റ് ഇന്നുതന്നെ രേഖപ്പെടുത്തിയേക്കും. ജാമ്യമില്ലാ വകുപ്പുകള്‍ ഉള്‍പ്പെടെ ഇയാള്‍ക്കെതിരെ ചുമത്തിയിട്ടുണ്ട്.
